اخــذ ابـنـك يبو السجـاد ويـاك لحومة المـيـدان
عليه بلچي العده ايحنون يحسين الطفل عطشان
*********************
أبيش اگـدر اصبـره أبيش وامذوب العـطش چـبـده
مـن العـطـش جـف وذاب چـان ويـشـبــه الـــورده
بلكي أتـرحمه عــدوانــك ويـشـرب أبـنـي وتــــرده
يمنه بس لهـيـب الحـر وتجـري بگاعـهـم نهـــران
************************
من كثر العـطـش يحسـيـن جـف حتى الحليب وذاب
شيرضع والطفل عطشان وأحنه ابين الناس اجناب
طحنه بمحنة الغــربــه وصـرنـه أبـيـن نـاب ونـاب
بـيــا بـرهـان أمـثـلـهــم وابـنـك اكـبــر الـبــرهــان
*******************
لـتــوصـيـني ما يحــتــاج ولامــرك أمتـثــل لامـره
واگـدر عـالصـبـر يحسيـن بس عبد الله شصـبـره
يريد الماي راح ايموت وگلبه من العـطش جمــره
ولـو اني ادري كلش زيـن ميـرحـمـون هـالعـدوان
**********************
أخذ عبد الله من امه بحـضنه وراح يمشي حسـيـن
ينظـر لـبـنـه والـدمعـات تتگاطـر دمه من العـيــن
غصن والورده عطر تفوح وانعـصرت بچف البين
اجاها العـطـش ذوبها وصفه حـتى الغـصن ذبـلان
*********************
جـابـه لحـومـة المـيـدان وراد الـوادم أتـنـظـــره
وشافه الموت من بعـيـد حسيــن وحاضنه بصدره
بسهـم للطـفـل سددله وحـضن راح السهـم نحــره
سكت من الألـم وارتـاح وچـن كل الجـره ما چــان
*******************
رجع للخـيـمــه وبحـضـنـــه أبـنـه يـنــزف ودامي
مـذبـوح النحــر والمـوت مـن دمـه شـرب ظـامـي
صاح أبني انـذبح بـالطـف بحـضني وچـان گـدامي
راده الـبـاري يــتـقـدم عـبـد الله بـشـرف قــربــان
********************
صاحـت أمه من شافـت أبنها بالسهـم مــذبــوح
ياسلـوه وعـزيـز أمـك عـفـتـني ليا سبب وتروح
راح العـمر من بعـدك اخـلصه بـالبچي والـنــوح
ويصهـرني لهيب الحـر وابـد ما اگـعـد بصيـوان
*******************
رياض الرسل
قـصـيــده الى عـبـد الله الـرضيـع (ع) / ادخل هنا للبركه
العرض الشجري