[رحيم الحسناوي]

اللهم صل على محمد وعلى ال بيت محمد الطيبين الطاهرين

البرنامج الكامل لليوم الثـــــــــــــامن من محرم



ابوذيات نعي
ــــــــــــــــــــــــــــــــــــــــــــــــــ ـــــــــــــــــــــــــ

كطع جبدي نزيف دماك وداي

يريت الموت لف عضاي وداي

ما وديت يبني تروح وداي

تلم شيبي وتهل دمعك عليه



نصبت اانه بشهر عاشور ماتم

رجيت الفرح شو وياي ماتم

صدك عرسك يقاسم صار ماتم

وتعوف امك يبن خير البريه



ذبل بمصاب ابو اليممه وردنه

وخبر جسام ومصابه وردنه

نحط زينه وفرح ردنه وردنه

نضوي شموع الك صبح ومسيه



ونيني البالغرب يسبك ونبني

بعد المن وتد ننصب ونبني

بناهه الوادم تحننت ونبني

تحننه دموم بارض الغاضريه







لطميه , ثكيل
ـــــــــــــــــــــــــــــــــــــــــــــ

يبني ونضر هاي العين .... شد عزمك وعين حسين

ابن الزجيه محير ... ومامش نصير الينغر

شد عزمك وعين حسين

ــــــــــــــــــــــــــــــــــــــــــــــــــ ـــــــــــــــــ

يوليدي حانت ساعتك يوليدي ... وانته الفرح وايامي كلهه وعيدي

على فراكك وبعدك يغالي شبيدي ... يا مهجتي وسلوة زماني وعيدي

نكل الجدم يتعثثر ... ومامش نصير الينغر

شد عزمك وعين حسين

تذكر ييمه بمهدك وعمر صباك ... تحلى الليالي بمكبلك وبملكاك

ردتك سند يامن دليلي يرجاك ... دار الوكت وتروح عنني وملكاك

والكه الخضب والمنحر ... ومامش نصير الينغر

شد عزمك وعين حسين

سال الدمع وي عبرتي بالغربه ... وعللة مصابك يا وحيدي تربه

فكد الضنه وخير الاطايب صعبه ... وهضم النوايب كووه روحي تجهبه

حسره بدليلي وتسعر ... ومامش نصير الينغر

شد عزمك وعين حسين

حسين الغريب بلا ابوه وجدده ... بنفسه ويجود مجابل الشر وحده

غير الهواشم واليتامى شعنده ... دارت عليه اهل الغدر والردده

والهم على الهم يكبر ... ومامش نصير الينغر

شد عزمك وعين حسين

يايمه ما ضل كل صبر وي روحي ... زاد الونين وبيك كلفه جروحي

يعلى النحيب وزاد بالهم نوحي ... ويا روحي يم دار الاطايب روحي

وين الوصي وخل يحضر ... ومامش نصير الينغر

شد عزمك وعين حسين







نزله
ـــــــــــــــــــــــــــ



القاسم انه ابن الحسن .. بالشدد بتارهه
اليوم اشد عزم الهواشم وانصر حسين
ــــــــــــــــــــــــــــــــــــــــــــــــــ ــــــــــــ
مايهمني بالالوف ولا تهز قلبي الرماح

انه ابن ضنوه محمد وانه ابن خير الفلاح

انه ابن صبط النبي .. وابن ابن كرارهه

انه ابن سيد الشباب وناصح الدين

دارت علينه الخوارج بالرماح وبالسيوف

والشهاده النه كرامه وما تهم بينه الحتوف

ويلكم من امة .. خالفت مختارهه

اليوم ارد بيكم فواجع بدر وحنين

هذه ابو السجاد وحده التمت عليه الصفوف

وال اميه اهل الضغينه دارت عليه وتحوف

حسين وحده بكربلا .. وسفه وين انصارهه

وين رايات الصميده والميامين

وسفه يا زينب تحير قلبج وضاع النصير

كلهه دم حسين تطلب صارت ومحد يجير

اليوم تشهد كربلا .. اليوم ابيد اشرارهه

اليوم اشم احضان ابوي وهلي الطيبين

للعطش صارت تصيح اطفال ضلت ضاميه

كلوبهم جمره اتتلوع بيهه نار وحاميه

ضيعو عنه الفرات .. تحاشمت فجارهه

اليوم اشهد يا محمد يا نبيين

يمه لو شفتيني دامي وطايح بارض الطفوف

كولي يا قاسم وفيت لعمك وعيني تشوف

كولي هذه ابن الحسن .. هذه شمعه دارهه

روح يمه مودع الله وبالنبيين . رحيم الحسناوي







نزله
ـــــــــــــــــــــــــــــــــــــــــــــــ
احنه لك يحسين خدام وعبيد .. ونضل طول العمر نصرخ يا شهيد
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ

ركبت العار ال اميه بالقتل .. ويضل عار ودوم يزيد الضحل

اخلد بنار وصقر ضل مشتعل .. ونضل دوم وللابد نلعن يزيد

احنه لك يحسين خدام وعبيد

ردت علينه النواصب من جديد .. ال ابو سفيان واحفاد الوليد

ضنهم يمسون هالمجد العتيد .. مادرونه نفرح بنزف الوريد

احنه لك يحسين خدام وعبيد

احنه مولانه البطل كرارهه .. وعن الحمزه اسال تجيك اخبارهه

والائمه اقمار شوف انوارهه .. احنه ولد حسين والنور المديد

احنه لك يحسين خدام وعبيد

حسين يمك روحي شبكت عتبتك .. والي يمك قلب ناح بحضرتك

والعيون اخلصت رادت شوفتك .. وجسد صاح بصوت عنك مو بعيد

احنه لك يحسين خدام وعبيد

لاوحق عباس والجف الكطيع .. لغيركم ابدا فلا نهوى ونطيع

بينه ثوره ومعتقد دم الرضيع .. وللقيامه نكول مضلوم ونعيد

احنه لك يحسين خدام وعبيد

حسين انته الدنيا وانته الاخره .. وانته امن كلوب باتت حايره

النفس بيكم يصعد وينزل تره .. واحنه بحماكم تره بيوم الوعيد

احنه لك يحسين خدام وعبيد

ونضل طول العمر نصرخ يا شهيد .

رحيم الحسناوي