يامسهل يالله
في رثاء الصادق(ع) ------------ شعر:مرتضى شكر
عبرت مساحات الزمن --- جامعة علم العتره
جعفرالصادق غايته --- للجيل ترسم خطوته
جامعة علم العتره
--------------
من مسجد الكوفه يلوح الأشعاع
من علم حيدر يستمد الأبداع
مافارك إثياب الفضيله أولاباع
أولانهشته إنياب الظلم والأطماع
إشموع الفجر ماينطفن --- يرون إبزيت القدره
راية محمد تنتهض --- تنبض إبأيات الفرض
جامعة علم العتره
----------------- 1
هالجامعه إبكل علم صارت مرجع
طب أوفلك بالكيميا تتوسع
منهج رسالي للمدارس منبع
دين أوأصول أوفقه للحق مطلع
إتهذب مدارات السنن --- للدين تكشف سره
تعبر إبأصرار الأفق --- أيات بشفاف الصدق
جامعة علم العتره
---------------- 2
هاي أربعة آلاف عالم وأكثر
كلها تشير إبفضل نفس المصدر
علمني حدثني إسمعت عن جعفر
هذا العلم منهج رسالي يزهر
جهد أولعد نبذ الفتن --- واجب عليك إتسخره
جعفر الصادق مابخل --- رافد يجاوب من سأل
جامعة علم العتره
---------------- 3
نسأل إبن حيان وإبن الهيثم
أونسأل إبن سينا والرازي الملهم
كل منهم إبهاي العلوم إتعلم
من صادق العتره الأمام الأعلم
صوت الأجابات إنعلن --- من جعفر الحق فكره
صرخات تتفجر حكم --- صبت على الباطل حمم
جامعة علم العتره
-------------- 4
وليومنه إبمسجد الكوفه الأثار
بصمة الحق تشحذ وميض الأفكار
حي حيدر إبعلمه أوعدله الأخبار
إتأكدها والصادق يترجمها إنوار
إبوجه الدهرماينمحن --- لزود الضمايربشرى
لراعي البصيره إتنوره --- تلمع إبعين الذاكره
جامعة علم العتره
--------------- 5
المنصورظالم حكم جاير حكمه
ماكدر يهضم للحقيقه إبحلمه
إيشوف الأمام أوذيج ثورة علمه
بشفاف كل منبر علم ذاع إسمه
جف الظلاله ماوهن --- يتماده دوم إبكفره
يستوعب الحق ماكدر --- مد يمنته إبسم أوغدر
جامعة علم العتره
--------------- 6
إبسم الغدر شيع الدين إسنينه
جعفر الصادق نذر عمره لدينه
لأجيال إمته العلم سن تدوينه
إتشيع أوماظل عاري بميادينه
مومثل جده إبلا جفن --- أولاخيل داست صدره
ذاك الحسين إبغربته --- ضامي الشمر حز ركبته
جامعة علم العتره
---------------- 7
الصادق إتشيع أوماظل عالثره
ثلث تيام الغسل دم منحره
إبكلبه المثلث إبكتره خنصره
الغسل دمه إيجفنه الذاري الغريب
--------------- 1
مايبطل الدهر ونته إعله الحسين
لحال إنصاره أوهله جاريه العين
من دمه إعله الخد يهل دمعته الدين
على العاري البدن والخد التريب
--------------- 2
لاتظن يحسين تنساك الأيام
يالروه دم منحرك عود الأسلام
إرواحنه دونك فده لحد الختام
للحشر منبطل إعليك النحيب
--------------- 3
جعفر الصادق تغسل وإندفن
لجن ياويلي بلا كبه أوصحن
إتراب كبره بالبقيع إعليه حزن
إعليه جرح كل شيعي مايبره أويطيب
--------------- 4
يمته يبن الحسن تنهض للبقيع
إتعمر إكبور إهلك ابأمر السميع
ليمته صبرك يتم عمره الوسيع
بالضهور إيندبك الله أوتستجيب
-------------- 5
متى تشن حربك على أوكار الظلم
ولنصـــاب الحك ترد كل النظــــم
وصل ســــــجين الخواصـــــر للعظم
والعدل عاف أوهجرغصنه الرطيب
-------------- 6
كوم لأخذ الثارمن كل مستبد
ياحليف الزود صوت العدل رد
أنته آية نصر بلسان المجد
أنته ثار الله أوشمسه الماتغيب
--------------- 7
الثلاثاء 23/شوال/1427هـ المصادف 14/11/2006م
النجـــــــــــــــــــــــف الأشـــــــــــــــــــــــــــــــرف
لرثاء الأمام الصادق(ع)
العرض الشجري