[A-ph]

ألسلام عليكم:
عظم الله اجورنا واجوركم بمصاب سيدنا وسندنا وشفيعنا اسد الله الغالب علي بن ابي طالب (ع)ونسأل الله عزوجل ان يوفقنا ان نكون من الطالبين بثأره مع ألامام صاحب العصر والزمان(عجل الله فرجه الشريف).وأسمحو لي أن اقدم لكم في اول مشاركة لي بالمنتدى قصيدة في هذه المناسبة من تأليف أختي الصغيرة الشاعرة شهد :

انشد وين حيدر مالكيت جواب وصحت ياناس حيدروين دلوني
وين الشطر مرحب واقلع الباب ردت عنة خبر بلكت تسمعوني
صدك صوبوا ولينة بطبرة المحراب وصدك مابعد يرجع لوتجذبوني
حاضر جان حيدر هسة كالوا غاب وبعد ماضن تشوفة الحيدرة عيوني
فجعنة مصابك الماضن شبيهة امصاب وضاعت بالفجيعة امالي واضنوني
حيدر من ضربتة شعجب ماطاب وبلسم للجرح جانوا يوصفونة
حيدر مي زلال وكل هوة الهاب نشمة بكل وكت مانكدر بدونة
موميت علي وكلمن نكرجذاب حيدر بينة عايش همة يدرونة
منواليحضر بكل شدة وعسرلوصاب ومنوا ليسمع حجينة ومايسمعونة
بس حيدرنة هوة المايرد طلاب ويحل كل صعبة حيدر لويندبونة
وغصبن عاليعادي نحبة داحي الباب وبحبة روافض خل يسمونة
وابد منعوف نهجك لا يبو تراب وجنينة بمحبتك خل يلومونة
اليحبك ناجي بس اليكرهك خاب ويعبر بالحشر لامايخلونة
ونتمنى منكم في هذه الليلة وليالي القدر ان لاتنسونا من حسن دعواتكم لنا بالتوفيق والهداية والنجاح وقبول الاعمال ببركة الصلا على محمد وال محمد
(اللهم صلي على محمد وال محمد وعجل فرجهم والعن عدوهم من الاولين والاخرين )
اللهم العن قتلة امير المؤمنين