[مرتضى شكر]

يامسهل

يالله

في رثاء آمير المؤمنين(ع) شعر: مرتضى شكر

الفرض مافارك أعتابه --- علي باب السمه بابه

فوك إشفافه عنوان --- بالمحراب قرآن
علي باب السمه بابه
----------------------------
بالونه إعتنينه ننشــــــد المحراب
شومظلم نشـوفك وين بدرك غاب
وين إلســـان نورك حيدر الينهاب
لتكول إنطــبربالغـدرراسه إنصاب
لتفجعــــــنه يليل الهم --- رمش عين الفرض سلهم
لعلي مانسمع آذان --- بالمحراب قرآن
علي باب السمه بابه

---------------------------- 1

لتكــــول الجرح جاز أوتعــده الحـد

أولن جفن الفجربأرض الفده يرمد

أوصـوت الله وأكبردمعه فوك الخد
كلـــــب أيتام حــــيدرجمرته تشـتد
صدك ماتمم إصيامه --- لولا ودع أيتامه
علي فارس الميدان --- بالمحراب قرآن
علي باب السمه بابه
---------------------------- 2
إشــلون الموت يدنه لحـيدر الكرار
وإيطرهامته ســـيف المرادي إبثار
صـــيح الله وأكــــبر يافجـرماصـار
صرخ جبريل ركن الأستقامه إنهار
يخضــــب شــيبته دمه --- تنعاه هل أته أوعــــمه
إشلون إعله الفرض هان--- بالمحراب قرآن
علي باب السمه بابه
---------------------------- 3
لتكول الوصي إيودع غده إسنينه
وإدموع الحزن فاضت ترس عينه
علــــيمن ينحــب التعـــب ميادينـه
جرحـــه يالمه لودمعـــته إعلــينه
ينوح إعله المحبين --- ينطون الوجه وين
لودعهم الجان --- بالمحراب قرآن
علي باب السمه بابه
---------------------------- 4
علي ودع إعيــاله إبيــــن ونه أونوح
ودع شــــيعته بس إبكلــب مجـــروح
موحيدرتشوفه إعله الأرض مطروح
فرض الخـــالق إبسيف الغدرمذبوح
شـــــيع حيدر البــين --- إبجرحه أودمعـــــة العين
العقيده إبصورة إنسان --- بالمحراب قرآن
علي باب السمه بابه
---------------------------- 5
إرحلت عن شيعتك يابالحسن غفله
كلي إشـــــلون ودع للفــرض ظله
خـــــله ماترد لينه أوأشــــــد خله
كــله أوداعـــــت الله يافجـــركـله
لوخيط الصــــبح لاح --- راح إصفج علي راح
وإلبس ثوب الأحزان --- بالمحراب قرآن
علي باب السمه بابه
---------------------------- 6
بعـــــده للفرض ماينســـمع صوت
قرآن الأله إبقبضـــــــة المــــــوت
المـنيه إتورشعت حيدرنه بسكوت
دين الله يلمـــــه إشــــلون تابوت
ودعنه بلارجعــــــــه --- سركينونته أوشرعه
راح الجان عنوان --- بالمحراب قرآن
علي باب السمه بابه
---------------------------- 7

الموشح/ ياعــلي تدري عفــتنه إبيا وضــــع

بين جمـــر الحـزن وإبحـــورالدمع
صـــــوتنه لاتظــــن بعــدك ينسمع
يالأبووإجروحنه إشيشفيها
-------------------

بعـــــد عينك لاتظــن يهدأ الحال

أولابطـــيف إنعيشها راحة البال
أوياك ماجانت تحس ذل السؤال
جفــــك إبلايه نشـــد ينطــــيها
--------------------
ياعلي عنه مشـــــــيت إبلا وداع
زين تدري الناس مختلفه الطباع
بين محـــــتل للـــنهب مد الذراع
أوبين إبن الكاع ينهــــب بيــها
----------------------
ياعلي صرنه فريسه للأشرار
من عكب عينك تولتنه الأخطار
باكــــنه الناطـور وإبعز النهار
إنهدمت أسوارالجنت بانيها
---------------------
ياعــــلي تالينه للــــذل مائده
خيرنه كوم الظلاله إتفــرهده
للخجل بالكصــص مابين نده
رحم مابيه الطـــــمع عاميها
------------------------
19/رمضان/1429هـ المصادف 19/9/2008م – النجف الأشرف