[احمد العراقي]

نبارك لمولانا صاحب العصر والزمان ارواحنا لتراب مقدمه الفداء
ولمراجعنا العظام و لكل اللموالين المخلصين
ميلاد الامام الحسن المجتبى عليه افضل الصلاة والسلام


عذب مر النوايب كاسر النه
سند وازنود شرهن كاسر النه
گضينه اسنين فيّه كاسر النه
ورهينه ابزود چفّه اعله الاذيه

______________________

صاحن جنان العلي ابجية الحسن ياهله
وعلگن شمع للذي من الله اخذ ياهله
ابن الوصي وفاطمه ومن الخلگ ياهو اله

بالفضل گرب گدر وابهالنسب عادله
الجود باسمه انوصل وابكل وكت عادله
بيه البشير ابتهج واجمل حفل عد اله

والشيعي زف الفرح سربان لاجل الحسن
واكتحلت ابمولده عيون الحواري الحسن
والجنة فاضت عسل وورود بيه الحسن

سوّله باقه وزهت بيها الارض وسّمه
وجه الكرم من اجه ابختم الشرف وسّمه
من حر طهر طينته نبع العله وسّمه

چيفنّه اصل الفلك شفنه الفلك دار اله
يرسم بلون الهنه لوحه ونثر در اله
وارث صفات النبي وعلم الوحي در اله

وانّصب مهده ابوسط بيت الرسالة الاجل
صار وتربى وكبر لمن دناله الاجل
كلمن گصدله ابطلب بلسانه دوم الاجل

ما كدّر اليچهبه روضة عطاءه وسن
وي خيره عسر الدهر خل سيفه حده وسن
خط اعله وجه السمه عمره رسالة وسن

سنّة هدى تحتضن كلمن فتح ضامره
ويعرفه حجة عدل حقّه ابصدگ ضامره
يتعلّه لارفع قدر بس التضد ضامره

واتعيش باسفل درك طول العمر اخره
معميه عن شوفته واشتنتظر اخره
هيهات بيه الدعه الباري ان صعد اخره

باب الله واليوصله ما اظن يفكر يهد
بالروح من يلزمه ويبذل اشعنده يهد
ابگلبه الحفظ بيعته هيهات ذكره يهد

وينادي وي كل ملك هنيالكم ياهله

احمد العتابي
العراقي