[nana]

السلام عليكم ورحمة الله وبركاته
قصتي يمكن طويله بس بحاول اختصر وارجوكم ابي الحل
انا واخواتي 6 بناتوعندنا اخوان ثنين واحد صاحي والثاني متخلف عقليا والصاحي اهو البكر
طبعا كلنا متزوجين
المهم قصتنا او مشكلتنا اهي الوالده الله يحفظها
بداية حياتنا معاها كانت همها بس احنا ناكل ونشرب ولانختلط باحد عشان تخاف علينا واذا طلعنا اكلتنا ضرب باي شي يكون يمها حتى لو تكسره على ظهرنا مايهم اهم شي تبرد قلبها
واذا اشتغلنا واسوينا في البيت عشان نفرحها تذم وتهذر وتدور الشي اللي ماسوينا
واذا صاار عندنا اسرار خاصه او قلنا لها ماتخلي احد ماتقوله له دائما احراجات عند اي احد يجي يمها
واذا كنا مقهورين من شي وجينا نشتكي ونصيح تقول عن العياارة ودموع التماسيح واذا ظلمتنا ماتسمعنا
اه شقول شتكلم
الله فرج علينا يوم تزوج اخوي وجات مرت اخوي حسينا انها مو مرت اخو حسينا انها ام لنا
بس اللي صاار صاارت تتكلم على مرت اخوي وتقول اشيااء عنها مو فيها او بالاحرى مانشوفها بعينا
حسيناها انها قامت تغاار من قربنا من مرت اخوي بس الانسان بالفطرة يحب اللي يحن عليه ويعطيه الكلمه الحلوةولولا مرت اخوي كان الله اعلم بحالنا
المهم كبرنا تزوجنا كلنا
اهني بدت مشاكل امي مع ابوي
قامت امي تطلع على ابوي بلاوي ومصايب وكلام استغفر الله ولدرجة انها اتهمته انه من بداية زواجهم واهو رجال مو مستقيم وكان يلعب من وراها وانا في ناس كانوا يقولون لها عنهوانه يجيب حريم واحيانا تطري اعراض ناس والقهر تقول هالكلام قدامنا وبالمقابل احنا ندافع عن ابوي ونقول لاتتكلمين حرام هذي اعراض ناس والله يحاسب عن هالشيتقول اي انتوا تحبون ابوكم وماتحبوني نقول لها احنا مانبيج تدخلين النار اذا طريتي عرض ابوي والناس والمشكله تجيب اسماءرجال وحريم في كلامهااحنا دافع عنهم وعن ابوي لان ماشفنا هالشي بعينا بس صاارت تكرهنا وتقول الله ياخذ الحق منكم ماتصدقوني تكذبون كلامي وتصدقون ابوكم نقول لها احنا مانبيج تدخلين النار من ورا اعراض الناس واحنا نحبكم ثنينكم
بس مع الاسف مافي فايدة
عموما هالكلام تقوله قدامنا وتخيل قدام عيالنا دائما شك وتهزيئ لابوي حتى اذا ابوي جاب خداامه لها لانها مريضه نفسيا وجسديا وحتى مافيها للجنس دائما تشك في ابوي مع الشغاله وابويه يبي يتزوج بس مو قاادر يقول هاذي عشرة عمر
بس ابوي هالفترة تعب من المشاكل معاها لانها اخر مرة قبل كم شهر قال لها ابوي جعل عيني ماتبكيج وثارت في وجهه تقول له انت تتعمد وتتقصد هالكلام تطنز علي تقول كذا وماخلت ولابقت من الكلام الي يذل وقالت لهخلاص انا مابيك وبقعد عند ولدي كاافي اهانات من تزوجت للحين معاك ضقت المر وراحت خلاص مع اخوي
وبعدين قعدنا انا واخواتي ندور له بس زوج اختي سال سيد وقال له السيد لاتخليهم يدورون لابوهم لانها يعتبر عقوق لامهم وخلاص وقفنا وابوي لقى بنت الحلال وخطب وملك وسوى شبكه وكل هالشي سواه بروحه مارحنا معاه مراعاه لمشاعر امي بس طبعا مو مصدقه ودائما تتصل علينا وتقهرنا بالكلام وتسكر
وتخلينا من كلامها اللي يجرح نصيح ونقولها والله نحبج ونحب ابوي بس تقول المفروض ماتكلمون ابوكم ولاتروح البيت له ولاتسون له شي حتى ترتيب له في البيت حسسوه انكم معاي بس انتوا ماتحبوني تحبون ابوكم هالكلمه دائما تكررها (تحبون ابوكم وماتحبوني)
على فكرة شخصية ابوي احسن بواجد من شخصية امي نفس مرت اخوي لانها تصير بنت اخته (حنون وطيب وحبوب ومسالم)ماعمره غثنا بكلمه ويدور خاطرنا واذا شافنا زعلانين ونصيح يمسح دمعتنا ويخفف علينا ويوصينا على امي دائما على قساوتها بس مشكلته يوم كنا صغار كان يشتغل في البنيان ولايجي الا يوم في الاسبوع
اسفه اني طولت
المهم هالايام هاذي ابوي يجهز للزواج وطبعا 2 شعبا ن زواجه طبعا امي كرهتنا لانه احنا راضيين ان ابوي يتزوج مع انها اهي اللي قايل له تزوج لانها ماتقدر على الامور الزوجيه وابوي محتاج مرة لان مثل ماقلت لك كلنا متزوجين ونتعب في بيوتنا ونجي لعند ابوي ونظف بيته واهو الحين يقوم في اخوي المتخلف ومحتاج لمرة تساعده عليه لانه مايبي الا ابوي
وحاليا امي ماتبينا وزعلانه علينا ودائما تتصل تغثنا بالكلام وتجرحنا وتسكر واحنا الحين كلنا تعبانين نفسيا اللي جاها القولون واللي جاها القلب وخافين يجينا مرض نفسي زيها من كثر ماتظلمنا وتجرحنا بالكلام
اخوي على فكرة في شغله بقولها(الوالده الله يسامحها اي شي تفقده في بيتهم تقول احنا اللي اخذناه مع انه مع الوقت تلقاه لانها ماتدور عدل بس شتقول اخذنا هالشي ورجعناه واذاسالتنا عن اللي فاقدته وقلنا لها ماندري عنه ماتصدق)اقول حياتنا معاه ذل وقهر وتجريح
وضايعين بين رضا ابوي ورضا امي
والحين اهي ماخلت وحده فينا مابعدتها عنها ولاتبيها منا
واذا كلمناها نبيها ونقول لاها احنا نجبج ونحب ابوي ماتصدق والله يعلم ان على اللي سوت فينا للحين نحبها مهما كان اهي امنا
بس مو مصدقه ودائما لكلمنها تصيحنا وتقهرنا ونسكر جاتني هلايام الالام في قلبي بسبب هالمشاكل وخايفه تتأزم حالتي
شالحل شالحل والله تعبنا تعبنا تعبنا عطونا الحل تكفون باسرع وقت


اسفه طولت عليكم بس شسوي وهذا بعد ماقلت كلشي


والله يعطيكم العافيه