[ابو ظاهر البركي !]

جائني الى مكتبي السيد الشاعر علي العلاق كي اطبع له قصيدة ليلقيها في مهرجان سيقام في قضاء المناذره في النجف الاشرف واستسمحته ان اضعها بين يديكم

((( وفاة فاطمة الزهراء عليها السلام )))

تمر بينه المسره ماتسرنه

وشراك الدنيه كلها ماتسرنه

شتضن بموت فاطم مات سرنه

واهي سرها بأمام الجعفريه

وحك سورة ضحاها والعصرها

نحن الهوه العتره والعصرها

خسر كلمن ضلمها والعصرها

وكفر كلمن حرك باب الزجيه

ضربتك يوم خندق عادلت الاكوان وجندلت اليحسبونه بألف خيال
كلي شعطلك يوم الاجو علباب وسيفك ياعلي بي تظرب الامثال
ــــــــــــــــــــــــــــــــــــ

بسيفك اتباهت ميادين الحروب **** وحتما اركاب النواصب عرفته
وماخلص من سيفك اعداء الوجود**** بس هذاك الي يلوذ بعورته
والشجاعه التعترف مر العصور **** شلون جفك باب خيبر قلعته
وبدر تشهدلك يحيدر وي حنين **** وتنحني السيفك وحده وضربته
وذاك بن ود العبر خط الصمود **** أرتعد من اسمك وحار برجعته
جانو يحسبونه بأيام القتال **** بألف فارس لو يصول بساحته
وطاح من عزمك بضربه من الفقار ****وشردت احزاب الكفر من صيحته
انت سيفك ياعلي سيف ألأله **** وندري غيرك ماكو جف الشالته
وأنت اسمك ياعلي بيه الخصال **** الحبهن الباري ورسوله وعترته
وانت جفك ياعلي تهز الجبال **** شلون كربتله الافاعي وعظته
شلون تدنه عله بيبانه الضباع **** وتوصل البيته وتطيح حرمته
شلون توصل بابك جفوف الطغات **** انت بابك جف محمد حبته
الوصيه المنعتك تحمي البتول **** لو عهد ويه الرسول وبضعته
لو عليك انهد عرش صرح الخلود **** وكامت الزهره بضلعها وحملته
لو على جفك زحف شرك الضلام ****وهتف محسن بالشهاده النصرته
وزين بسيف الدمه اعتاب الفداء **** ودوت بكل المسامع صرخته
وصار محسن والضلع جرح الزمان**** ينزف احزان الكرامه بلجمته
وصار ضلع البضعه فقار العصور ****يوازي فقارك هذاك بصولته
راد جفك ينخه فقارك يصول ****وماوصل جفك لعد فقارك
لن جفوفك بالوصيه مجتفات **** وربك بصبرك عرف وأختارك
ولن صبر كل الرسل والانبياء **** لاذ بسمك ياعلي وباكتارك
وجانت الزهره تعرف كل الامور **** بالوصيه محزمات اسرارك
وتدري فقارك ابد مابي قصور ****وتشهد اركاب العده الفقارك




الشاعر
السيد علي العلاق

عظم الله لنا ولكم بمصاب مولاتنا فاطمة الزهراء


خادمكم
ابو ظاهر البركي