[زكي الياسري]

الى سيدي و مولاي الامام الحسن العسكري المظلوم
ثوابها الى اموات قرائها الكرام ... و اموات شيعة امير المؤمنين المنسيين
راجيا من الباري القبول
واسألكم الدعاء

انصار ابنك ناديناك ... بايعناه وبايعناك
نرفع رايات التأييد ... نعرف شتريد وشيريد
عد عيناه و عد عيناك
1
يالعسكري بحكم العقل .. حبك امـــــــر قرآني
مو عاطفة تروح و تجي .. حبك اصل وجداني
قدسيتك اتنقي النفس .. حبك عــَـــــبق ايماني
اليتمسك بحبلك خِلَد .. و العـــــــافه جاهل فاني
حبك يسري بالشريان ... يبني الشيمه بكل انسان
من معطياته التسديد ... نعرف شتريد و شيريد
عد عينك و عد عيناه
2
الكَبه التلمع من فجروهه ... ضنوا يمحونك مولاي
مايدرونك حي مو ميت ... حي عايش كل لحظه وياي
حي تُرزق كَاللنه الباري .. للتعطش تقوى .. السكَاي
حي جي بسم الله استشهادك .. من ضن ميت زل ابهاي
يابو القائم ما عفناك ... للموت احنه وياك وياك
انته الدم الدين اوريد ... نعرف شتريد و شيريد
عد عيناه و عد عيناك
3
لامونه انزور و نتوسل .. ما يدرون انـــــــــته الآمال
ما يدرون الاجل انشوفك .. نبذل كل غالى و كل مال
ما يدرون انتبعك احنه ... بالافــــــــــــعال و بالاقوال
ما يدرون اليعشكَـ شخصك ... يحمل ضيمه شكَد ماطال
يابو المهدي نترجاك ... ندخل للجنه وياك
و الغايب ابنك صنديد ... نعرف شتريد و شيريد
عد عيناه و عد عيناك
4
سر خلدك يا نور الدنيه .. ضيم الشفته من الضلام
قاومته ابحكمه و هدمته ... عرش السمَّـك بالاقلام
صح مسجون بعسكر انته ... لاكن حر فكرك ما نام
الضن يحبس فكرك لحظه .. عايش مولاي بأوهام
انته الخالد بالافكار ... باقي شكد ما دهرك جار
تبقه بمهديَّــك تجديد ... نعرف شتريد و شيريد
عد عيناه و عد عيناك
5
سامره الجانتلك منفى ... صارت مكَصد للحبوك
كَوم وشاهد نور البيهه .. يعمي عيون الي عادوك
انته الخالد همه الماتوا .. ماتو من يوم السموك
بمقياس القدره انته الخالد .. والماتو هم الخانوك
ضنو حدوك بقضبان ... وحطوك بدور النسيان
ما ينحد نور بتحديد ... نعرف شتريد و شيريد
عد عيناه و عد عيناك
6
سور البيه احنه اتحامينه ... انته البانيه ابأيمان
مو احجار و يكَدر واحد ... يهدمهه ابفاس الطغيان
ايمان البينه المن عندك .. يبني الشخصيت الانسان
بالواقع ملموس المعنى ... انته ابداخل كل وجدان
باقي بنجلــَك للايام ...تتحقق بيه الاحلام
انصار ابنك و الترديد ... نعرف شتريد و شيريد
عد عيناه و عد عيناك
زكي الياسري النجفي
2/ربيع الاول/1431

</B></I>