[لبيك داعي الله]

نص الوصية

هـــاي امــي الـربـتـني ولهذا الموقف رادتني
بـالـمـــدمــع نـادتــنــي وياك استشهد وصتني
حـان الـمـوعــد خــل اسـتـشـهد
* * *
هــــذي مــفــاوز كــربـلـــه وهــاي الحــرب يـا عمــي
وهــــذي وصـــيــة والـدي وشجعـتـــنـــي نخـــوة أُمي
مـهـمـوم وادري التضـحيه تكشـــــف ســـــحابة همــي
وتـتـنـاثـر أزهـــار الفـــرح حيـــن ايـتـنـاثــر جســـمـي
مــو وكت شمعه ولا عرس وكـــت انتصـاري وعزمي
ومـضـة الصـــارم شـمعتي والحنــــه تـصـبـــح دمـــي
مــن اوگــع بـالمـصرع أُوفي كل حگوگ المرضع
والام الــرضـــعــتــنــي ويـاك استشهد وصتني
حـان الـمـوعــد خــل اسـتـشـهد
* * *
خـيـــل وزلــم مـن كـل كتر وســـط الحــرب مـجـموعه
وادم اجــــت للـمـــعــركـــه لأتعــس هــدف مـدفـوعــه
بيــــض الهـنـادي امـلوّحه وهـــاي الســمـر مشروعه
يـــا عمـي ارخصـنـي أطب واخمــد سـعـــيـر اللــوعــه
هـالسـاعـه مو ساعة شمع للعــرس طـفـــوا شـموعــه
وجفن امـي عـاهـد لو متت يحبـــس مســـيـل ادموعـه
والــــواعــي بـتـفـكـيره يتمسك باعراف الغيره
والـغـيـــــره الـدفـعـتني وياك استشـهد وصتني
حـان الـمـوعــد خــل اسـتـشـهد
* * *
يـحـســيـن يـا عمـي وأظن ترخصنــي لـو ردت أطـلــع
هزتـنـي لـجـلـك غـيــرتــي وللذبــح نحـــري اتطـــــوع
لـهالساعه ذاخرني الحسن هــــذي وصـيـتــه وتسـمـع
نــــاداني لـــو عمــك يظــل وحـــده ويشـــح المـفـــزع
ضـحـــيـلـه يـبـنـي ابرگبتك وعـــن مبـــدأك لا ترجــــع
وواعـدني يـحـضــر والدي لـو طـحت وســـط المصرع
عـاهـدتـــه وعـاهـدنـي أبرز وبعيـنـه يشاهدني
وعـهـــوده الشـجـعتني وياك استشـهد وصتني
حـان الـمـوعــد خــل اسـتـشـهد
* * *
يـحـســـيـن يـا عمـي وبـعد شنـتــظـر شـنـــهـو التــالي
وِحـــدتـك بـالـطــف هـدِّمت حيــــلي وتغـــــيــر حــالـي
خـلـــيــنــي أبـــرز لـلـوغه ويسفِـــر شــعــــاع هــلالــي
ولــو مـانـعـتني من الحرب تصــــــدع ركــــن آمــالــي
اشلون اصـبر وشبلك علي طايــــح صـــريـــع اگبــالي
دم ابنك ارخـصـته اشـتظن دم ابــــن اخــــوك الغـــالي
خــــل ابـــرز للعـســكر آخــذ مـنـهـم ثار الأكبر
والحــالــه الهـظـمـتـني وياك استشهد وصتني
حـان الـمـوعــد خــل اسـتـشـهد
* * *
جــــاوبـــه حسـين ابدمعته غيِّــــر يجــاســـم فـكـــــرك
بـعــــدك ابـــزهـــرة دنـيتك شنهو الشــفت من عمــرك
بــأول شـبـــابــــك ما ردت كربــلــــه اتـغــيــب بـــدرك
بيــك انظر اوصاف الحسن لمــــن عـيــونــي اتـنـظرك
إرجــــع يجــاســم للـخــــيم وامــــك اظـــن تـنـتـظـــرك
ومـنــهـو اليـصـبـر الوالده لـــو شــاهدت دم نـحـــــرك
اشـلون ارجع لخيــامي والأكبـــر طـايح جدامي
وأمـــي الـلـي بـعـثـتني وياك استشـهد وصتني
حـان الـمـوعــد خــل اسـتـشـهد
* * *
جــــاوبــه جـاســم يـالگلت اگصـــد يجـاســـم لامــــــك
هيَّـه الـــدعـتـنـي لنـصرتك گالتـــــلـي إنـصـــر عمـــك
وگـــالـــت يـجـاســم لا ترد خـوض المنـــايـه ابعــزمك
وخــلـيـنـي أنظر بالحـــرب يم جســـم الاكـبــر جســمك
وگالـــتــلـي روح لـفـاطـمه وصوغـــه إخــذ مـن دمــك
والـزهــــره مـن دار الخـلد ظـــلــت تــــــردد بـســـمـك
هـــــــاي الأُم تــتـمـنــه تشوف چفوفي ابدم تتحنه
عـــالمــــذبــح دلّتــــني وياك استشـهد وصتني
حـان الـمـوعــد خــل اسـتـشـهد
* * *
حـــــادي المـنــايـه بـكربله ايــــردد ابـمـوتـي ويحــدي
يـــا عمــي مـا ظل كل أمل بـس هـالأمــل ظــل عـنـدي
اسـتـشـهد بســـوح الحرب وامـــضــي لمحمّد جـــــدي
وعالكــوثر الگه المرتضى ويطفي الجمــر مـن چبـدي
واعــتــنـي لامــي فاطمـــه وتجــلـي الترب عن خـــدي
وأگـــصـــد واقـبِّـــل والدي واهتــــف وفـيــت بـعـهـدي
الـــوالــــد يـتــأمـلــنـي وعنك ينشدني ويسألني
وهـالـرحـمـه الشملتني وياك استشهد وصتـني
حـان الـمـوعــد خــل اسـتـشـهد

منقول

عظم الله لكم الأجر..نسألكم الدعاء

تحياتي....لبيك داعي الله