[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم
هذه قصيده منبريه من الشعر الشعبي العراقي
وزن الدارمي في استشهاد مولانا ابي الحسنيين عليه السلام

صـــــــــــــــاح المنـــــــــــــــادي
ــــــــــــــــــــــــــــــــــــــــــــــــــ ــــــــــــــــــ
يبن امي شنهو الصار ياخويه يحسين == صاح المنادي فوك وأتهدم الدين
ــــــــــــــــــــــــــــــــــــــــــــــــــ ــــــــــ
يازينب الاقدار نالت ابونه == راسه انضرب بالهام منخطف لونه
ريت العمر مهدور ينفني دونه == عالمرتضه الكرار دم تجري العين
ــــــــــــــــــــ
راسه أنضرب وبسيف هذا المرادي == بين السمه والكاع نادى المنادي
من صدري فر أيصيح طالع فؤادي == يبجي أو يون واينوح يابو الميامين
ـــــــــــــــــــــــ
بالدم تخضب صاح آني انتظرها == هاي الشهاده اليوم آخذ أجرها
روحي تريد الفوز عاشت عمرها == تطلب شهاده ابسيف واتنال الأثنين
ــــــــــــــــــــــ
نصبي يزينب بيت للهم والأحزان == راس الأبو مصيوب مخطر تره ايبان
ركن الهدايه انصاب ذاك الضوه جان == صابه عدو الدين أبن الملاعين
ـــــــــــــــــــــ
خلوني أنظر زين جرحه أو اشوفه == واني لظل وياه أبدا ماعوفه
أشبع نظر يحسين والزم أجفوفه == وأبجي المصابه أبنوح وأوفيله الدين
ــــــــــــــــــــــ
ياشيعة الكرار عزوا الوديعه == نوحوا اعلى ابو الحسنيين وابجوا يشيعه
والمهدي عزوا اليوم محيي الشريعه == نادوا الامام أبصوت مر بينه البين
ــــــــــــــــــــــــ
نطمع يبو الحسنيين نصعد مراتب == نكصد ألك وأنزور يابو المناقب
عادونه ياكرار ذوله النواصب == ما همنه ظلم أو جور ذوله الشياطين
ــــــــــــــــــــــــــــــــــــــــــــــــــ ــــــــــــــــــــ
مع تحيات شاعر اهل البيت / جابر النجفي
يمكنكم سماع القصيده بصوت خادم اهل البيت عليهم السلام
جابر النجفي على الرابط التالي

اضغط هنا ..