[melika]

یاابن الحسن
گلوب التحبک عاث بیها الحزن
فرگه والم وزادت علینا احقاد الزمن
شوگت یهل هلالک یابن الحسن
ویزیل عنا الشدائد والمحن
شوگت یالغایب تجینا
وبجیتک تقرعیون العمن
ننتظر جیتک ونحسب کل دقیقه
وثوان
ونبقی منتظرین مهما طال الزمن

نهنی و نبارک لکم جمیعا ولکل المنتظرین مولد الامام الحجه عجل الله فرجه الشریف
سائلین المولی العلی القدیر ان یسهل امورنا جمیعا ویعجل فرج الامام
لتحقیق العدل الهی ورفعه رایه الاسلام وزوال الظلم و الظالمین
بحق محمد وآل محمد
وکل عام وانتم بخیر
****************************

** ((فخر الانام))**
یانسیم الهاب وی طرة الفجر ***لعد محبوبـي الگلب وصـل السلام
اویاحمام العایش ابلیه وکـــــر ***هاک اخذ مني رساله یاحمـــــــام
عاشگ اوخلصِّت عمري بالسهر ***انجوم لیلي التشهد اوبدر التمـام
ساهر اوعایش حیاتي عالجمر ***وآنه ادري النوم عالعاشگ حــرام
عاشگ المعشوگه شابح بالنظر ***مایعرف السنه لومعنه المنــــام
اتعلمیت امن البحر آنه العبــــر ***ایفیض لوطفحن امواجه بالغـــرام
اولشوکت یامنیتي عود انتظــر ***آنه گضیّت العمر هم والتــــــــدام
ردت بعیوني اشوفک یا صگر ***الک فدوه اتروح احزامي العمــــــام
حتی اشکیلک لیالینه الکـــــدر ***اشصار بینه وابغیابک یاامـــــــام
اکتاب الله اینوحن اعلیه السور ***لئن بین البشــر مهجـــور الکـلام
بعد اشکیلک یحجه اویا بـــــدر ***المســــــاجد خلن یافخــر الانـام
والبعض اوجوها اوجوه البشــر ***والگلوب اذیـــــاب صحراء العتـــام
والاخو یحفر لخو بیر اوحفــــر ***اولوحچه یرمیــه رمیـات الســـهام
شرداگولن بعد یادوحة مضــــر ***عـود نتــنطّر طلوعک یاهمــــــام
ادري من نعتب دلیلک ینقــــهر ***والعتــاب ایطول وایطول المقـــام
لاکن اوعیناک یمخاوي الخضر ***نور وجهک هم یشگ وجه الظلام
هذه یومک والظهور ابهالعصـر ***اخذ ثار احسین وي حرگ الخیام
خلي الصدیه او وذنها والشـــگر ***خلي وکت الحرب واتکثر القتـام
واشحلات السیف لوحلگه حمــر ***یفطر ابدم العده بعد الصیـــــام
اندوس خشمه الگال الحگ العمر ***اوبغض حیدر وی اولاده العظام
یوم الامبارک نشوف المنتــــظر ***انأدی لقدومه التحیه واحتـــــرام
___________________________________________
شاعراهل البیت(ع) هانی پوررضا(المذحجی)
اهواز - الخفاجیه