[البدري14]

اقتباس : المشاركة الأصلية كتبت بواسطة مرتضى العاملي [ مشاهدة المشاركة ]

( هدية الى الاخ البدري) أترجاك تبقه وياي .. أترجاك تبقه وياي اتصوٌر گرب تالي العمر واتزهزبت دنياي أبقه وياي ... انه اسمع نبض گلبي تعب بلٌش يدگ بهداي ذبل عودي ونشف دمع الجفن ما ظل بعد بي ماي أبقه وياي .. حته احچيلك اسراري واورجك على اهمومي وصفنتي وبلواي ابقه وياي ... ما اريد الغريب ايشوف دمع ابچاي چنت مهيوب عند اهلي وحنين الوالده التتنومس ابطرواي اشكثر ضكني الوكت واتنزرت روحي وگطعت افياي بتل بيه الصديج الامنتله اسرار گلبي وگصت دنياي اكابر والعذاب البيه رايح جاي اشكثر گتلي اجيك .. وگمت احسك من صدگ جاي نسيت اسنين صبري ودامنت عالظيم الغرگان شيهمه ارتفاع الماي غربة .. وطولت حد الگبر ماگمت اميز صيفي من اشتاي كلشي بالغرب ما بي طعم حته استكان الچاي *** بقلم/ شاعر عراقي

انا وياك بالاصعب وحقك
لتهمك سفاسف هاي

عسى عمرك بعمر شعيب
وابقى وياك وانته وياي

اذا احنا بعمرنا نضوج من هزه
اشقله الرايد يواصل درب ممشاي

ازرعت بينا السنين اسهام
حملاناها وجرعنا الصبر رغم الداي

ظل اوياي ما ظل بالقلب نبضات
والك انا اصير فياي

تظل انته جبير بكد عظم بغداد
واظل انا الفرات ودجلته والماي

---------

عزيزي العاملي يقف القلم امام ابداعك خجلا لكن ابقى مجبرا للرد
وان لم يكن بمستوى ذلك الابداع تشفعلي محاولتي
العيب ليس فيمن لا يعرف العيب فيمن لا يحاول التعلم
غمرتني بالهدايا ولا استطيع ردها الا بالدعاء لك بدوام خدمة آل محمد
عليه افضل الصلاة واتم التسليم وعليهم اجمعين
تقبل خربشاتي
ولماسات ايمان حسيني الماسية وفقها الله بشفاعة اهل البيت ويبقن
الفاطميات نبض ولاء لامهن الزهراء

موفقين