شيعي الهويه شعر00ام هدى الخزاعي
شعاري حب المرتضى وذريته .... واسمي شيعي بكل فخر عليته
----------
اسمي شيعي وختمي صايرجعفري .... حب علي الكراراصلي ومصدري
بحبه يوم الخوف يسهل معبري .... والسراط بياعلي اتعديته
-----------
شيعي انا وفضله حيدرطينيتي ..... طاهر الأصلاب خطي ولايتي
خادم وتشريف صارت خدمتي ..... وفخري بين الناس صاربصيته
---------
حيدرالتكوين كله وقبلته .... علي ثكل الكون ماهز يمنته
عجب امه اشلون تسعه شالته .... تكول حيدر بالحشه وناديته
-----------
بسمه صاحت حيل ياحيدرعلي ..... شطر ركن البيت كلهااتفضلي
سمي بسم الله وبيه اتوسلي ..... وابنج الباري يريده اببيته
------------
شحجي عن حيدرعلي يطول الوصف .... لوحبرالبحار من عدهن يجف
بذره من علمه صبح يزهي النجف ..... بي بدا العلم وختم تاليته
------------
الباري زاد افضال حيدرعلبشر..... واسمه فوك اللوح منقوش وظهر
لادم وحوا بسم حيدر غفر..... من تنخى وتاب عن معصيته
------------
يم نبي ابراهيم حيدربالشدد ..... طفه لهب النار حولها برد
حير النمرود طاغوت البلد .... ينتف من الخوف ظل بلحيته
-------------
وي كليم الله بيمن كلفه ..... عصى موسى يصير ياخذ هالصفه
وكل دجل فرعون حيدريكشفه ..... من تحول حيه هز ملكيته
--------------
منو ونس يوسف بوكت الشدد ..... من رموه بالبير اخوته امن الحسد
طفل يوسف بس على الباري اعتمد .... وانت ذاك اليوم بس داريته
-------------------
منو مثلك ياعلي لمن شهد .... ليوسف الصديق من هم وشرد
بصوت ناطق طفل تشهد بالمهد .... من زليخه بصوتك ونجيته
-------------------
منو غيرك ياعلي يونس ندب .... بشده بيهاالموت والموقف صعب
ببطن حوته وبالبحرياهو اليطب .... ومن ندب يابوالحسن خلصيته
------------------
ومن صعد للباري هادينا او سرى .... حدثه بياصوت معبود الورى
بصوت حيدرطمنه وسر خاطره .... وجنك انت ياعلي الحاجيته
------------------
واحنه بالشدات نندب يا علي .... بصوت واحد بالظماير يعتلي
سيدي ومولاي يانعم الولي .... واليندبك حاشى مارديته
--------------------------------------------------------------------------------------------------------
شيعي الهويه
العرض الشجري