[عشقي حيدره]

مابين اربعينية الامام(ع) وعيد الحب قصه...تفضلوا بقرائتها

كل واحد يحب يهدي لحبيبه اليوم

هدية حب شرطها يكون لون احمر

بس حبنا اختلف لسمك يابو السجاد

خلينا الدروب بدمنا تتحمّر

عشاقك هدايا ارواحهم مولاي

ومقصرين ما وفّينا نتعذر

غلفنا الهدايا وما رسمنا كلوب

نزعنا كلوبنا ووقعّنا بالابهر

شيظن الارهابي بفكرة التفجير؟؟!

نخاف وما نزورك ينفجر قرّر

وحق جدك الهادي وبضعة المختار

وحق حيدر ابوك وانته والمنحر

لو مو انفجار ولو الف تفجير

ما يمنعنا صدك والله ما يكدر

حتى الجان ناوي ما يزور اليوم

غير نيتّه وشد حيله وتحضّر

طلع حتى الطفل والشيب ويه الشاب

دربك بيه (بروفه) لساحة المحشر

يا درس الشهاده شلون ادري نخاف

واحنه بدرسك الشطار ونحضّر

وبدربك تكرر زينب الصوت

تقبل ربنا هاذي القرابين

غثتهم شعارات وهتافات

وبحبك يسمونه المجانين

رادوا لحظه نسكت من يفجرون

ظنوا صوت ماكو واحنه ميتين

بس انصدموا باشلائنا الصوت

صارلها لسان وصاحت....حسين