اللهم صلي على محمد وال محمد وعجل فرجهم واهلك اعدائهم
مبارك عليكم ذكرى ميلاد قائم ال محمد
الامام المهدي عجل الله فرجه وسهل مخرجه...
..(( الجزء العاشر))..
الجزء العاشر ..
أخذ حيدر الدفتر وقرأه ...
حيدر قرأ الورقه المفتوحه ورجعه مكانه حق لايعرف انها قرأته
راح لغرفته .. مسك الجوال وضغط على رقم فيصل
بس قبل مايرن سكره ..
حس ان هذا شي خاص بينهم وماله داعي يتدخل أكثر ..
بيسكت عنهم فتره وتالي بيكلم ريحانه ...
أول يوم بالجامعه ...
ريحانه: بس هذا اللي قاله ؟؟
ندى شوي وتبكي: ايه ومشى
ريحانه: اخوانك الحين سالوا عنه
ندى: مدري
قاطعهم جية شوق ودانه
دانه: اهلين ندى
ندى: ياهلا
دانه: كيف حالك
ندى: بخير الحمد لله
شوق: ندى وشفيك كانك تعبانه او مونايمه
ندى << تصرف الموضوع: مانمت الا متأخر
وقعدوا البنات يسولفوا لان الجامعه كالعاده اول اسبوع ماعندهم شي بس يستلموا الجدول والكتب
يوم السبت مشى ... لاجديد .. ندى على حالها ... ريحانه على حالها ... فيصل على حاله ...
الاحد ..
كان ابو سعد ببيت اولاده
بس ندى ولؤي اللي كانوا موجودين
أبو سعد: تجهزي العقد والعرس بليله وحده بعيد الفطر يعني عندك شهر وشوي ... ورمى عليها 20 ألف
وهذا المهر خذيه
ندى بخوف: ان شاء الله
طلع من الباب وندى رمت حالها بحضن اخوها
لؤي: خلاص ندى احنا سالنا عن الرجال مافيه شي
ندى وهي تصيح: وليش يرميني عليه كذا
لؤي: ابوك وعارفته اكيد له مصلحه باللي صاير
دخل عليهم سعد وعرف بالسالفه وسيده لبيت ابوه
أبو سعد: وانت شدخلك البنت موافقه
سعد: وشو موافقه وكيف انت ترضى لبنتك كذا بيوم واحد ماتعرفه ولايعرفها تحدد العرس متى طيب خلها فتره عقد على الاقل
أبو سعد: مافيه لا عقد ولاغيره وانت اسكت ولا لك دخل
سعد: يعني اذا بنتك ماتشتكي احنا مانحس بها ماتراعي مشاعرها
أبو سعد: انقلع برى وانت مالك خص زين وان تراجعت اختك ماتلوم الا نفسك
أما ببيت أبو محمد
بالصاله ..
ريم: يالله عاد محمد ودني
محمد: ملاان اقعد ادور معاك
ريم: خل شوق تجي معنا ندور واذا خلصنا نتصل لك
محمد:سألي شوق اذا تبي تروح
شوق وهي داخله ومعها كوب الشاي : على ايش تسالني
ريم: هههههه حشى ذكرنا القط جا ينط
محمد وهو ياخذ الكوب: خخ قولي المؤمن عند ذكره
ريم: شوقو تبين تروحي السوق رجلك موراضي
شوق: ههههه خلاص موراضي مابي اروح
ريم: لااا انا امبي اروح اشتري لي ثياب
شوق: محمد ليش موراضي
محمد وهو يرتشف الشاي: ملان ادور
شوق: طيب خلننا ندور وتالي ارجع لنا
محمد: كم بتاخذوا
ريم: امممم من بعد صلاة المغرب وتعال لنا 11 او12
محمد: هااااا مافيه
ريم بخيبه امل: ليش
محمد: وااااااجد بتمهلوا ماقدر اعيش بدونكم انا
ريم: هههههههههههه اقول لاتسوي حالك خل الضمير مفرد احسن
محمد: خخخخ وانتي قلتيها موصح شوق
شوق: خلنا نروح مو واجد من 7 الى 11
محمد: اول شي ريم تحب راسي واوديكم
ريم: لاااا والله بقول لابوي ترا
شوق ومحمد: هههههههههههههه
ريم: وهاذي الاخت ليش ماتخليها
محمد: لا هاذي الاخت على قولتك ماتحب بالراس وتحبني متى ماابي
احمر وجه شوق وفلصت يد محمد اللي كانت جنبها
محمد: ااااااااااي
ريم: هههههههههه زين تسوي فيك
محمد: أي اتفقتي معها الحين خلاص سوق مافيه
شوق: لا لا خلاص نبي السوق
محمد: ومن بيحبني
ريم: خخخ زوجتك
محمد: هي على خد وانتي الخد الثاني
شوق قامت وباسته وريم قلدتها
محمد: هههههههههههههههه خوش بنات يطاوعوا الساعه سبع وربع انا عند الباب واللي مابيجي بمشي عنه
ريم: ماتقدر تمشي عنا
محمد: هههههه نشوف
أما ببيت أبو كمال ...
سحر: اففف ملل كمال عندكم رقم بيت عمي ابو حيدر صح
كمال: عند كميل
سحر: وكميل وينه
كمال: مادري يمكن بالكمبيوتر
قامت راحت له واخذت الرقم واتصلت
سحر: الو السلام عليكم
أم حيدر: وعليكم السلام
سحر: كيف الحال عمه انا سحر
أم حيدر: ياهلا غناتي الحمد لله شخباركم انتو
سحر: بخير
أم حيدر: عسى ماشر
سحر: لا مافيه شي بس بغيت اكلم ريحانه
أم حيدر: دقيقه بس
ريحانه: يااااااهلا سحر
سحر: اهلين شخبارك
ريحانه: تمام
سحر: شخبار الجامعه
ريحانه: خخ ولاشي رحنا اول يوم اخذنا الجدول وبكره بناخذ الكتب والدراسه اسبوع الجاي
سحر: مرتاحين مواحنا من هاذي الاربعاء امتحانات
ريحانه: هههههههههه حشى مامداكم
سحر: والله زهق كل شي زهق بس متى اجي عندكم
ريحانه: سنه وتعدي مشيتي الحين كم سنه باقي سنه
سحر: ازهق هنا لحالي وامي كله معها هالصاحبات اللي يلوعوا شبدي همهم ثيابهم ومكياجهم وبنتاهم نسختهم المصغره
ريحانه: ههههههههههههههههههههههههههههه الله يغربل ابليسك طيب وصاحباتك بالمدرسه
سحر: علاقتي معهم موقويه مره زماله وبس
ريحانه: اممم عندك ايميل
سحر: أي عندي
ريحانه: عطيني اياه خل اضيفك
سحر بفرح : ....... @ hotmail.com
الساعه 11
بالسوق ...
ريم: خلص اتصلي لمحمد
شوق: طيب خل نقعد على الكراسي تعبت
بعد عشردقائق ..
شوق: يالله محمد جاا
راحوا للسياره
ريم: متكسره وجوعااااااانه
محمد: ههههههههههه والمطلوب
ريم: اقول محمد مدام بكره بنروح الجامعه وبنبدا الدراسه جد ودنا المطعم
محمد: شوق تبين مطعم
ريم: هييي انا اللي اتكلم مو شوق
شوق: ههههههه أي حتى انا جوعانه
محمد: تااامريشوقي
ريم: لحووول قعدت انا الحين مع المخابيل الله يعين
محمد وشوق يضحكوا عليها
محمد: اذا موعاجبك نقدر نوديك بالمطعم بطاوله منفرده
شوق: هههههههههههههه وش رايك
ريم: لا والله يقولوا خبله قاعده بحالها بقسم العائلات
<<< وكملوا هواشهم ومزحهم للمطعم
أما ببيت ابو حيدر...
كانت ريحانه بغرفتها ..
أتصل له ؟؟ بس اكيد معصب فيني !!
كانت في دوامه افكارها ندمت على كل التطنيش اللي كانت تسويه بس كيف تنهي المشكله .؟؟
سحبت جواله من الكومدينه واتصلت له
يرن يرن بلا مجيب
قامت تبكي ليه يسوي فيني كذاا عارفه استاهل بس والله انا نادمه
كتبت له رساله ..
العرض الشجري