[عالي مستواه]

يا گلب غلطان
يا گلب غلطان ليش تگول احبـــــچ ----- إو عله كل الجرالك حيل بيـــــك
شِـــــل بجروح الندامه بتوالي الليل ----- إو ظل واسي نفسك محد يواسيك
گتلك ادريهه حيّه وما تنـصح وياك ----- ترة وللموت بيديهه توديـــــك
تلاگيهه چنت إبضحكة الاحبـاب ----- حسبالك حبيبة إو للهم تنسيـــك
چنــــت تتمنه تملكهه للدوم ----- تملكهه وحدك محد يندگر بيــــــك
تحبهه وماقصرت وياها فد يــــوم ----- إو تداويهه چنت قبل ما تداويــك
مشيت ويـــاها عالحلوة والمرة ----- إو سايرت الالم وخليته ساريـــك
تحملت المشقة والها تعنيــت ----- إو شلتهه بعيونك بلچن توافيـــــك
تذكُرها انت بكل مكان اتـــروح ----- ما همك عواذل لا تعاديـــك
حسبالك تذكرك في يوم للنــــاس ----- ولا مرة اتذكرت إو جابته الطاريك
جمرات البُعد خلتــهه تذكار ----- كل لحظة جمرة وبيها تچويــــك
بحر من العسل للرايح وللــجاي ----- ولاتتكرم ومن العسل تزگيــــك
تفديهه چنت لو مسهه ســوء ----- ولا مرة قررت لو طحت تفديـــك
هسه عرفتهه الحبيــب يا گلبي ----- وعرفت الغدر منين جاييــــك
بس الفات مات اتنطر الجـــاي ----- بلكي التجي من الموت تحيــــــــيك
وانسه الالم انســــاه للدوم ----- حته الالم من گاعه ينسيـــــك
التفت هسه وباوع لنفــــسك ----- إو عوف الماضي وكل مآسيـــك
بحيل الله الجاي اكثــــر من الراح ----- ولازم وحدة تحبك وترضيــك
كلشي بهالحيــــاة امقدر ومكتوب ----- شوف الوكت شراح ينطيـــك
يا گلبي ما دامــــك طيب إو وفاي ----- لا بد وان الخير يلگيــــك
إو لا تحچي وي وحدة بالــــــحب ----- لان اذا حبتك وحدة هي التحاچيــك

تحياتي
smilies/48_asmilies-عـــالي مستواهsmilies/48_asmilies-

شباب صبايا اي واحد يزور صفحتي المتواضع اي انتقاد او ملاحظه على القصيده ياريت يكتبه
وولا تبخلون بنصحيتكم علينه