[(أنات عشق)]

السلام عليكم ورحمة الله وبركاته

أنا اليوم فيني بلا وطلعت مني هالكلمات أرجوا اني ماأطول عليكم وأرجوا انها تعجبكم بس عاد أقروها للأخر وعذروني على أعادة بعض الكلمات أكثر من مرة
وأتقبل النقد البناء.........وهي بلغتنا العامية


قالوا الناس في قديم الزمان
الوقت بيقطعك لو انت(ماتقطعه)

وأنا ياناس قطعني الزمان
وصرت بحياتي ضايعة في (معمعه)

أناالمنسية ونساني السجان
محد تذكرني ولو في (مدمعه)

مسجونة وين؟تبون تعرفون المكان
أقروا قصيدي لأخر (مقطعه)

مدري وش فيني فقدت الأتزان
من ضيقة البال ولا من ضربة (موجعه)

تتخيلون انتو ويني انا الآن
أنا بوسط البحر..بحر كبير(اسمعه)

اي اسمعه مابقى فيني الا الأذان
هي اللي فيني تشتغل ولاالقلب والعين فيهم حريقة (مولعه)

قالو قبل يابحر كلك غدر مالك أمان
مالقيت انا الاالبحر يطفي لهيبي (ويقطعه)

أنا في قارب ومافيه غيري انسان
بلا مجداف ..بلازاد..ومكسورة منه (الأشرعه)

وحيدة حييييل من زمان
ورحت ادور عن انيس أقوله اللي معي ويقول كل اللي( معه)

آآه اسمع حكي حب وامتنان
لكني ماشوف منهومعي بس (اسمعه)

هذي تقول انتي كريمة ولك شان
وذاك اللي يقول الدنيا بدونك ضيقة مو (واسعه)

والوالدة الله يسلمها الحنان
تقول قطعة قلبي انتي (يامربعه)

وهذي تقول وينك؟ماشفناك من زمان
اشتقت لك موووووت (يالقاطعه)

كل هالبشر ينشدوني بكل حنان
عن حالي وعن اللي جرى (معه)

بس أنا مااشوفهم ليه يازمان
كني مغطية عيوني ودي اشيل (هالأقنعه)

يمكن انا ماودي اسمع الا صوت هالأنسان
بس اني لدربه تايهه (ومضيعه)

قاربي بلا مجداف يخرب بيت هالنسيان
شلون بوصل لقلبي (واتبعه)

أووه هذا هو واقف هنا صار له زمان
بس شوفواياكثر الناس اللي (معه)

يسولفون ويضحكون كنهم أخوان
ومحد انتبه لقربي ونبهه (وتابعه)

ليش هو انا مخفية(كمان)
عشان محد ينتبه لوجودي الله( يقطعه)

هزيته وقلت له يافلان
أنا اموت بكلمتك..بنظرتك..فكنا من هالشلة (المصرقعه)

ولاعبرني..ولاحتى طالعني بطرف الأعيان
ولاقال انتي منو؟ ولاجايه من( معه)

وانا بوسط البحر ناديت تكفى يافلان
وهو اذن من طين وعجين (مسمعه)

وبقيت ابكي وحدتي والبحر خوان
ساعه ينزل قاربي للقاع وساعه( يرفعه)

والموج يلعب بي شمال وجنوب وايمان
وانا اتحمل بس خايفة لحبي دربه (اضيعه)

تدرون بعد البحر كبيييييير وفيه حيتان
وأخاف على حبي....هو المهم وبالطقاق للي( معه)

بعد مدة رماني الموج للشاطي (المزيان)
ووقفت اصرخ آآه حبيبي وصرت عليه (مروعه)

جزيرة حلوه وفيها من كل زوج اثنان
ولقيت أهلي وناسي وحتى اخواني (الأربعه)

وامي وابوي حضنوني بكل شوق وحنان
الحمد لله عالسلامه ردك الموج بليا (اشرعه)

وينك ياخبله من زمان؟؟
ننطر مجيك نشوف زولك بكل شخص (ونتبعه)

امي تقول بدونك ماله طعم هذاالمكان
اشتقت لك واشتاق لك اللي يمشي على رجوله (الأربعه)

وأنا احتضنت امي وبكيت بخبال وجنان
يايمه مشتاقه لحضنك الدافي اللي هالكون( ياسعه)

ربي لايحرمني منك يانبع الوفا وياالحنان
جعل يومي قبل يومك ياذهب قيراطه عشرين( وأربعه)

وقلت يايمه تراني اشوف بوضوح الأعيان
مو بس اسمع مثل اول وللنور (مضيعه)

وجاو هلي وكل معارفي من بني الأنسان
ينشدوني شنو جبت في غيبتي من( أمتعه)

قالوا وينك ياشيخة من زمان؟؟
اشتقنا لك ولسوالفك الحلوة (يامبلتعه)

فرحت انا بشوفتهم يوووه والله جنان
والحين صرت اشوف النور (واتبعه)

تدرون منهوبالموج انقذني من الغرقان
ناديت مولاي (علي)واللي طلبه ابد (مايضيعه)

ريحه حلوة عطرت المكان وحتى الزمان
من شمها يهيم في الخيال (ويتبعه)

نادى صوت سمعوه هلي والأخوان
هالبحر ابد لاتسلكينه الا بسفينه (وبأشرعه)

وسئلت أنا ومن معي انس و(جان)
شنو هالسفينه اللي ركبها للبحر ذه (يقطعه)

ردد الصوت من بعيد المكان
هذي سفينة محمد وآل بيته ماخاب من يركب( معه)

وعاد الصوت واسمع صداه بالأذان
هذا البحر دنياوحنا ننجي اللي الشهادةمختمه (ومطبعه)

مختومه من عند الغريب ضامن الجنان
وكل الأئمة من ولد الحسين الخمسه ويا (الأربعه)


وأرجوا اني ماطولت عليكم ومللتكم
تحياتي:شهرزاد