[جعفر المندلاوي]

ذخر هاشم
===================

28 ذي الحجة 1442ه :: 7 -8-2021م
بقلمي جعفر ملا عبد المندلاوي

رفع راية محمد ليث حيدر = نزل للطف ينادي الله اكبر
يبو فاضل ابو الروح الأبية = ذخر هاشم ليوم الغاضرية
///////
قمر عباس ما يوم إنخسف نوره == على الأكوان هيبة وعزّة منثوره
كتائب للعقيدة بزوده منصوره = لݘن عين الحقد ما تشوف هالصورة
كفيل والنعم غيرة وحميه = لجل هالدين خوّاض المنية
///////
بطل عباس بالحملات كرّار = رعب جمع الكتائب بيده بتّار
هجم بالطف على العدوان مغوار = غدت جمع العساكر عنده طشار
يفرّق كل جموع الجاهلية = بقايا أحزابها والخيبرية
///////
ذِعر جيش الكفر وارتجّت الناس = يملك الموت احضر جاي عباس
شبل حيدر نزل ومضيق الأنفاس = جزع جيش الغدر شرذمة الارجاس
صواعق زلزلت ذيج الوطيه = وفه عباس حيدر بالوصيه
///////
عطش والشاطي والعسكر وجوده = فلا أدبر وظل ثابت صموده
ولا همّه الغدر گطعوا زنوده == دما عيونه بسهم تجري بخدوده
ينادي احسين الحگلي يخويه = طحت واݘفوفي ما بيها رجيه
///////
كفيل العائلة بالروح يفديها = عطاشى كربلا بدموعه يسقيها
وعد لحسين گال جيوشه افنيها = ولا خله العدو للخيم يدنيها
دموعه عالحرم ظلت جرية = وفي عباس واݘفوفه وفيّه
///////
لبس عباس سيفه ودرعه من صغره = وظل يحمي خدر ها زينب الحرة
مكافئة الحشر من فاطم الزهره = توافي الطاهرة واݘفوفه اتنشره
جزاء أم البنين من الزجيّه = رضا رب السما وجنة هنيّة
///////
درس عن الأخوّة بطف يسجلها = ورايات الشرف بيها يأصلّها
على كل العساكر گاعه زلزلها = بدر هاشم يواجه كل جحافلها
اسف فخر النسا راحت سبيه = لاولاد البغي والناصبيه
///////
خجل ماي الفرات بايده من شاله = ولا قطره شرب ذب حتى الوشاله
تذكر هالعطش بحسين واعياله = حلف ما يرتوي أو تشرب اطفاله
جفوف وماي صارت عالوطيّه = نهض بالجود بالهم والأذيه
///////
على الشاطي وگف وجيوش مرصوفه = تراقب هالبطل محتار بݘفوفه
حياءه من الحرم واطفال ملهوفه = حسين بحسرته وبعبرته يشوفه
وگع عباس فخر الهاشميه = كسر ظهر السبط هاي الرزيه
///////
لون عباس حاضر عنده جـّفينه = ولا سهم النواصب ينبت بعينه
اذن شال الفرات إنطاه لسكينه = اذن شال العلم يتقدم حسينه
بذلها الروح والنفس السخية = لجل دين الهدى وسنة نبيه
///////
هنيئا للموالي بمجلسه يخدم = مناهل للكرامة الشيعته يقدّم
ينول بخدمة العباس كل مغنم = شفاعة آخرة وبجنة يتنعم
وجاهة ومنزلة ورتبة عليّه = جزاء التضحية ورفعة سنيّه