[خالد محمد مهدي]

(6)

ياحيدر يداحي الباب **صرختنه شيب وشاب

انادي احضر يحامي الجار

ابگلبنه وبخيمنه النـــــــار

----------------------

احضر عاينه الحالي ** مابين الخـيم والنـــــار

يتاماك بمرار وخوف**تندب وينه حامي الجار

حرت ياهو الاسكتنه ** وتحاوطنه بالاخطـــار

جثث فوك الثره نيّام **ودمعنه دم جــره مدرار

**********

الدمع مدرار وجروحي**عله مصاب امي ومصابك

بجفك زاد كــل مسكين **مساكين احنه يم بابـــــــك

من البعد اشكيــــــــلك ** ولمن اوصل اعتابــــــــك

ماظل والي بس عليـل **المنايه كصدت احبابــــــك

**********

احبابك لفاهه المـــــــوت **وتتنصار هل الساعه

رجال الغيره واغله الناس**زلم للنخّوه فزّاعــــه

دون حسين وكـفوا صف ** ذمّه والوفه اطباعــه

أسود وحرسوا خيمنـــه ** تحت جدمه يرج كاعه

الگاع اخبارها وصلت **الجدي المصطفى طـه

وتدري بيها ابوفاضل **شالت يمنته الهواهـــا

وللساعه يبو الايتــــام **جفوفه سدها وحماها

ورايه علّت عالروس **سـتر للحرم وغطاهـا

**********

غطه وخيمة عروس الطف **بيها شموع والحنه

لجنهم طفوّا الشمعـــــــــات **والعرس أنحرم منّه

شبيه المصطفى الاكــــــبــر** مصابه اليوم محنّه

بجسمه جروح ماتنعـــــــــد** وحسين انگطع ظنّه

****

انگطع ظنه ودمع صبّـه**عالمفطوم والامـــــه

رضيعه بالسهم محروم **بعد ماظل رجه ايامه

لذيــذ المــاي ماهنــّــــا **ذبحو نحره گدامـــــه

وأمه عيونه يجـــــــرن ** دمه والليل متنامـــه

*************

متنامه الحرم هل الليــل **ولا ليل اليمر بعــــده

كلمن تنعــه غايبهـــــــا **تگول الــــراح شيردّه

ݘانت للعمر تحلــــــــم **تنام وتسݘن بســــــدّه

يبويه وحالتي حالــــــه **گلبــــــي يلوج مايهده

*************

مايهده وشوف حسين **من يتلاوه وبروحـــــه

ومن صاب السهم كلبه **وأخذمنّه الشمر روحه

لوما دمّه يحيي الدــين ** جان القبله مذبوحــــه

تظل ثورته دم وثـــار **مناره تضوي بصروحه

***************************************