[خالد محمد مهدي]

((3))



مولود لفاطمه الزهراء عليها السلام ((حلم خادم))

**********************

حلم خادم رسم بحلامه ألچ صوره

دمعته بحيره رادت گبرچ أتزوره

فرح مشتاڱ ** عالخـــدين

يخط اشواڱ ** ماي العين

******************

گبل مايكتب حروفه ** ضميره أيسابك أنفاسه

الگلب ويّاه يتسابـك ** كتبها بأجمل أحساســـه

ختـــــم ودّه** وعليه يكون

التزم عهده**أبــــد ميخون

الدمع ورق الرسايل والضلوع سطور

بدمّــه كتب عهده والورد منثـــــــــور

****** بسلامه يختم حروفـــــــه وشعوره

****** حلم خادم رسم بحلامه ألچ صوره

******************

يفاطم اجمل الاوصاف ** لو يدرگها وجداني

شوصف من بهاء النور**نورچ يشع ربّانـــي

الخط احتار** بضنوني

ياأفكـــــــار** عينوني

مقامچ أزهر بسابع سمه ضيّه

اكتب والكلام ايعاقب أيديّـــــه

*****مايوصف كلامي حرفي وشعوره

حلم خادم رسم بحلامه ألچ صـــــوره

**************

طيف وياي يحيّني ** يمرني بعالم الصحوّه

اعيش وياه افراحي ** أتاني وبس أله أهوه

تربي العين ** لحلامي

يم حسيـــن ** أيامـــي

بين رموشي وجفوني أظّــــم الطيف

وشمّه هوى عذيبي من نسيم الصيف

*****محراب بخيالـــي أسجدله لظهوره

حلم خادم رسم بحلامه ألچ صوره

*************

روحي ونفســــي تتعاتب **تدّور معنه أساميها

وصلت شاطيء الاسماء ** لكت بسمج معانيها

حييتي ذاتي** تكوينـــــي

حياتي انتي** طهر طيني

زاي وهاء وراء والف والهمزه

لفراح الموالــــي والحزن رمزه

*****شفاعه أله بيوم الحشــــر مذخوره

حلم خادم رسم بحلامه ألچ صوره

******************

أريد أوصلّله للكوثــر **أشرب منّه وتوضَــه

وصلّي وأعلن محبتي **غصبا عله المايرضه

موالي الزهره** سمّوني

أحب العتره ** خلونــــي

مثل ماي الورد والهيل أطش روحي

وداوي بالملح لوعاتي وجروحــــــي

***** ود فاطمه الجنّــــــه وفيضها بنوره

***** حلم خادم رسم بحلامه ألج صوره

***********************************

((التوقيع))
السجود لنور الله
*---------**
ملائكـــــــــــة السمه من سجدت الآدم
سجدت للأنوار السببت ذاتــــه
وهنانــــــه الحقيقـــه ثابتـــه المعنــــــه
هذا الطين بيها أنعرف معناتـه
خمس كلمات مرسومه عله عرش النور
يعني الكون يزهي بنور كلماته
فـــوق القـــدره والادراك محياهــــــــم
أأمــــه للعوالـــم قاده ساداتــــه
محمــد علــي فاطــــــم الحسن وحسين
تبيان الكتاب ومعنه آياتـــــــــه
***********