[عبدالله خلف العتابي]

رغم غدر الصديق وغدر الزمان
لحسين اكتب شعر والحزن بان
ميهمني الجرح لو سال شريان
وحسين عندي اغله من الاخوان
انذرت عمري وقليل اعليك هم
واسنين العمر متكفي حزنان
صولاتك بالطفوف هم ماتنوصف
ومنهو مثلك الضحه للديان
بس الاديان السبقت دين جدك
محد ضحه اله ابكل الاخوان
وضحيت ابدمك ودم الاعزاز
وعزيزك عباس الهز الاكوان
ليش لوحدك ابساعات الفراك
ومنهو الودعك والكلب نيران
جريح انته ابوسط عدوان ماترحم
وجنت اتمنه يمك كمر عدنان
يطيب اجروحك ويتحزم احزام
وضمك ابدمه وقفل الشريان
غريب انته ودارت عليك اعداك
وبس المهر يمك يبجي حيران
من بعدك حيران المهر وحزين
ورجع للخيمه ايحشم النسوان

______________________
بقلمي خادم اهل البيت (ع)
عبدالله العتابي