[قوافي الأيثار]

من جراح الضلع نزفي = ومع الموعود زحفي
سوف امضي طالبا ثأرَ البتولِ
؁؁؁
آنه شيعي وبس ألي تلوڰ العباده
وآنه نحري لو ضحك ينزف شهاده
وعندي قائد والله من يعلن جهاده
ما يفيد الناصبي جيشه وعتاده
فانا للموت لهفي = ومع الموعود زحفي
سوف امضي طالبا ثأرَ البتولِ
؁؁؁
فاطمة روح القداسة وام ابوها
أول العترة الشريفة الحاربوها
من عـگب عين النبي شكد عذبوها
والله بالطف لو اجت ݘا هم سبوها
ظلمهَا لا لستُ أخفي = ومع الموعود زحفي
سوف امضي طالبا ثأرَ البتولِ
؁؁؁
يبقى ثار ام الحسن عندي القضية
يحمل الالام وجراح الغاضــــــــــــرية
يل تسمونه بحقدكم رافضــــــــــــــــــية
رافضي أرفض طغـــــــــــــــاة الجاهلية
كربلا والطف طفي = ومع الموعود زحفي
سوف امضي طالبا ثأرَ البتولِ
؁؁؁
آنه للزهرة الوديعة بدمــــــــــــــــــــــــــــي افدي
راية ارفعها وشعارات التحـــــــــــــــــــــــــــــــــدي
هذا عهدي من المهد ظل هذا عهدي
وبظهور المهدي ازحف آنه جندي
وسلاحي فوق كفي = ومع الموعود زحفي
سوف امضي طالبا ثأرَ البتولِ
؁؁؁
رافضي وارفض سياسات السقيفه
وهذا تاريخ وكتب نحري بنزيفه
اهتف بوجه الاعاصير العنيفه
غير حيدر حاشى ما النه خليفه
والبراهينُ بصفي = ومع الموعود زحفي
سوف امضي طالبا ثأرَ البتولِ
؁؁؁
فاطمة والها تظل تنزف دمائي
انوجد من كل صبرها كبريائي
وبابها المحروڰ مدخل كربلائي
آه يا ام الحسن يبقى ندائي
بابُها يرسمُ طيفي = ومع الموعود زحفي
سوف امضي طالبا ثأرَ البتولِ
؁؁؁
آنه دمعه بعين حيدر لو ذكرها
وآنه نار من الحسن لاهب جمرها
وآنه طف حسين رواني كسرها
وبدعائي للعهد زاير ڰـــبرها
قبرُها في القلب مخفي = ومع الموعود زحفي
سوف امضي طالبا ثأرَ البتولِ
؁؁؁
عمار جبار خضير
2013