التطــــبيــــر // بقلمي

شاعرة الحسين · بتاريخ : 28-12-2012 الساعة : 05:28 PM

بسم الله الرحمن الرحيم
اللهم صل على محمد و آل محمد
اضع بين يديكم قصيدتي في التطبير
بعنوان .." مفخرة الروافض "

مفخرة الروافض ذولة ليطبـرون
لتكلي مظاهــر مو حضــــاريــة

ذولة الوقعوا بالدم محبة حســـين
ذولة الفكسوا عــين الوهابيــــــة

لتذمهم تكول اضرار بالتطبـــير
ما بيه اي ضرر بس افهم اعلـية

ما شايف مطبر من يطبر الــراس
من ينتهي يلطم بالحسـيــنيـــة

ما ذميـت لو منتبه انتَ الــــهـــاي
كرامة امن الله الهم مية بالميــة

عباس بجفوفة يمسح اعلى الـروس
ميبقيلة حتى جروح سطحيــــــة

بصفهم علي واكف لمن يطبــــرون
يسجل اسمائهم باسم "الفدائيــة"

يشاهدهم حسين بدمهم يواســـــوه
شمحلاه الحسين بوسط خدامـــة

اذا تحجي عليهم تطبر انتَ الديـــــن
على راس الشعائر ترفع القامة

حمّاد و زُرارة تكلي وي معصوم
وي الصـــــادق و عاشـــــوا بأيامة

ما طبروا يُحرَم! ارد اسألك زيــن
شفتهم لطموا بزنجيل كدامــــــــة ؟

ياهو العينك للشيعة مرجع ديـن؟
ياهو النصبك للشيعة علّامـــــة ؟

ما تسوة دمانة التنزف اعلى حسيـن
كطرة دم رضيعة المات كــــدامـــة

مو عالصدر نلطم الك يا مظلـــــوم
شلنة سيوف احنة و نلطـــم الهامة

شاعرة الحسين
14/ صفر / 1434

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري