[الشاعر ياسين الوائلي]

*****************
1
لوله حسين ماتم دين يسلام
وابه للذل ابو السجاد يسلام
اليحب حسين يوم الحشر يسلام
يجوزه عللصراط ابن الزجيــــــــــــــــــــه

****************************
2
وحق الحاء سين وياء والنون
وأرد اقسم بسورة قاف والنون
لوله حسين أدم هلك والنون
ولاحق البقه بهاي البريـــــه
****************************
3
علي نور العرش ساطع علينه
حـــــق وبيك نتفاخــــــر علينه
العزم بالله على الباقـــي علينه
بولاية علي حماي الحميـــــه
*****************************
4
حده حادي الضعن بأسمي تعالاي
مشيت وياه بس روحـــي تعالاي
صـــحت يم الحسن يمــي تعالاي
نزور حسين يلزهره سويـــــــــــــه
******************
5
جفي من دمه نحــــــرك حنيته
وحنين الناس مو مثلي حنيته
يعبد الله الــــظهر يبنـي حنيته
وعميت الشوف يلرحت من اديـــــــــــــــــــــــه
*********************
6
لون شوفك يصد ليه وياره
ويشوف النار البخدري وياره
لجان الجف نده سيفك وياره
وابد ماضل بشر باالغاضريـــــــــــــــــــــه
************************
7
لعسر زينب ابو فاضل يسرها
عضيد وساعة الشـــده يسرها
لون حاضر شبل حيدر يسرها
طبك ارض وسمه باالغاضريــــــــــــــــــــه
**************************
8
حـــــيد الـــــطف ابو فاضل وسدها
بـزوده ابطال جندلـــــــــها وسدها
حصــن والسور صار الـها وسدها
وسجل ملحمه وصارت قضيــــــــــــــــــــه
***********************
9
عفه هموم الولة زينب شمرها
و اناشد كربله عليها شمرها
عكب راس الذي حزه شمرها
ياروح البكت للهاشــــــــــــــــــــــميه

************************
10
عفه شكد الوكت زينب بلاها
ولا لحظه التمر بيــها بلاها
ضعن حسين لولاهــا بلاها
ماجان انتصر باالغاضريــــــــــــــــــــــــــه
***********************
11
علي ياموت كل ذلـــــه يباها
صميده وبيك من ينخه يباها
الك حره نسبت باالطف يباها
وينك ياعلي وزينب سبيـــــــــــــــــــه
*********************
12
احــن والـــــروح يسبيني حناها
واحس اعضـــــاي بجفاكم حناها
دمـعي الســـال لجفـــــوفي حناها
وخــــطن باالاثر حزن الزجيـــــــــــــــــــه
**********************
13
اللــــــــيالي ماسلن حزني وجفين
حزنهن وشل دمــــــــوعي وجفين
الــي فوك النهررايــــــــــه وجفين
هون ويه الكمر بالغاضريـــــــــــــــــــــــــه
********************
14
صبر زينب صبر حره علمها
زكيه ومنطق الحكمــه علمها
يضل للدوم باالـــــعالي علمها
رمز شامخ يرف للهاشميـــــــــــــــــــــــــــــــــــــه
************************
15
سجاجين الدهر بحشاي يحسين
وابد مايوم وكتي وياي يحسين
صدك فوك الترب ضليت يحسين
وانه ام الخدر امشي سبيـــــــــــــــــــــــــــــه
*************************
16
حـــرم واطفال عكب حسين لاجـــت
مثل دمعه بجفن حيـــــران لاجـــت
شيرد الكوم عنها شــــلون لاجــــت
واهلها عللثره كلهم رميـــــــــــــــــــــــه
**************************
17
اون والنــــــــوح الـــبكلبي تراداي
واعليــك الحـــــال يبن امي تراداي
ولـــــــون عينك تصد ليــــه تراداي
شله جفاك يلــــــرحت من اديـــــــــــــــــــــه
*************************
19
انه ام الحزن للنـــــــــــــــــــوح منهاي
وعليه بيوم صــــــــــــال الجيــش منهاي
حرت شــــــــــــــلون اوجد هاي منهاي
و حرم واطفال ضاعولي سويـــــــــــــــــــــه
*************************
20
ينبلة حرمله لروحـــــــي سليها
وانشديها شعمل غـــدرج سليها
وصل صارت وهي بهمج سليها
تنوح الطاح من عندج رميــــــــــــــــــــــه
*************************
21
زينب والوكت ويــــــــــــــاي منجال
سكاني المــــــوت جفه بقهر منجال
شحالي بيوم شفت الشـــــــمر منجال
عــلصدر حسين والشيبه البهيـــــــــــــــــــــــــــــــه
*************************
22
يجاسم راح مني الحــــيل شليت
وحصدت ارباك بس هموم شليت
جــــرحي الجان كت وياك شليت
تالي ارباك خله جروح بيـــــــــــــــــــــــــــــــه
**********************
23
ناب الدهر بسمومــــه عضيدي
هدم حيلي وكسر مــي عضيدي
اخبـــرك راح يمحــمد عضيدي
وعكب ذاك الخدر جيتك سبيـــــــــــــــــــــــه
********************