الى سيدي ومولاي الجواد عليه السلام بمناسبة قرب الاستشهاد
جواد بكل فعل والروح تفديهه
الك لازم عيوني من البجي اعميهه
-----------
الك فدوه العيون تروح يامولاي وكلهه شيعتك نفس الكلام وياي
ياضامي متت محروم من الماي
ضمه اللي بجبدتك من عيني ارويهه
-----------------
ياجود الائمه وياعمود الدين
انته الشفته مثل الشافه ابوك حسين
ثلث تيام وبلا غسل لاتجقين
ظلت جثتك محد يواريهه
----------------
يبو الهادي المصايب ياهو يحملهه
وللغايب الشكوه من يوصلهه
على الهادي البشير بكل جحافلهه
تعدو كوم هب ألهم يمهديهه
---------------
يبو صالح اعلنهه اليوم حربيه
شوياهو التكله يكول شعليه
عدنه مخربطه ومو صافيه النيه
والرايه تريد اليوم راعيهه
----------------
انته من تكوم العدل كله يكوم
ويفرح من تجي سيدي كل مظلوم
تزيح همومه عنه وماتظل هموم
ونفوس تهدمت بس انته تبنيهه
-----------------
بماتم للجواد نريد تحضرنه
مشتهيه وكفتك كل منابرنه
فكد صبره يحجه اليوم صابرنه
وذكره الفاجعه وياك نحيهه
---------------------------------
بقلم سيد كريم السعبري
الى تاسع الأقمار المحمديه كريم السعبري
العرض الشجري