[كريم السعبري]

الى امير المؤمنين علي ابن ابي طالب عليه السلام


حبيتك ولاكن فيك محتار--- يل مخلوق انته بعالم الذر
انته موبشر لليفهموك--- ولاكن ادري من الله ازغر
الله للنخاه يستجب دعواه --- وانته للنخاك بسرعه تحضر
مجنون بهواك وابقه مجنون --- بجفوفك تصب الماي كوثر
يتبختر عليك الحاقد يكول--- ضل براحتك امشي وتبختر
يحيل الله ونصيره وناصر الدين--- جفوفك للهدايه قلعت خيبر
لاموبس قلعته من الاساسات--- عله جفوفك تخلهه تصير معبر
انته للعداله جنت قانون--- تكص لسان كل واحد تجسر
من طبعه ابد مايضرب ضعاف--- يدور عل الشجاع يكره بس كر
ويخلص النهار بنصرت الدين--- ويناجي الالاه بليله يسهر
بعمره ما بنه بيت وكعد بيه--- وجفه لليتامه بيوت عمر
ابد ماسوه شر من صار لليوم--- والفقار قاضي ويذبح الشر
موخيال ينزل شايل السيف--- من ينزل عليهم ريح صر صر
غنم كل الفوارس منه لوصال--- تشرد مايلمهه شما وسع بر
فارس يحتمي بعورته مهزوم--- والثاني يكله دخيل قمبر
انه المجنون ابقه والله مجنون--- بشخص بس اليعرفه الله واكبر
اكول اسمه علي المرتضى الكرار--- قانون بحياتي وميتغير
اذا كالو جننت وليش مجنون--- اصيح بصوت مو جنني حيدر

السعبري