[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

المرتضى أعلن رحيله ( فائزي ثلث دكات )
ــــــــــــــــــــــــــــــــــــــــــــــــــ ــــــــــــــ
شلون بيها العالمـــه الطيبــه العقيلــه === لو غاب عنها المُرتضه وأعلن رحيله
ـــــ
لو غاب عنها المُرتضه بالهم تظــــل دوم == ﮔبله مشت أمها إو حزن حل بيها وإيحوم
واليوم ﺗﻓﮕــد حيدره بالطبره موسوم == ظلّـــــــت تون يافاطمه هاي الأصيله
ـــــ
ظلّت تون يافاطمــه زينـــب بالجـــروح == جُرح الأبو إو جُرﺣﭷ كُبر بيها إو غده إينوح
حسرات تمليها إو الم ما خذها للروح == بالسجـــــده طبـروا هامته حامي دخيله
ـــــ
بالسجده طبروا هامته إو سمعت نداءه == آنـــــــي فزت صوته إرتفع ويّه دماءه
سمعت مُنادي بالسمه أعلن وفاءه == وَفــــــّه الأله المُرتضه ذايب دليله
ــــــ
وَفّه الأله المُرتضه بالسجده طبروه == ميـــزان للحق والعدل مولانه عرفوه
زينب تُنظره إو حايره للبيت جابوه == وإحسين ﻳﺑﭼــي والحسن دمّه يشيله
ـــــ
وإحسين ﻳﺑﭼــي والحسن ناداها زينب == مُخطـــــر أبونه إبضربته والروح تلهب
لاﺗﺑﭼــي ياإختي تره آلامي تصعب == نال الـشهاده المُرتضه إو هذا سبيله
ــ
نال الشهاده المُرتضه والهام مطبور == هذا الولي عمره ﮔضه بالفوز مسرور
وإشلون نصبر لو رحل عنّه إو مُضه النور == صبــــري يزينـــــب وإبتغــي لله الوسيله
ـــــ
صبري يزينب والجره هيّن يبنتي == آني ﻋﻟﻳﭷ إبكُل وكت تجري دمعتي
باﭼــر تشوفين الأشد هينه طبرتي == باﭼر وحيده إبكربله إو هاي الفضيله
ــــــــ
باﭼر وحيده إبكربله وإحسين مذبوح == عبـــاس يم المشرعه والجود مطروح
وأطفال عطشانه إو تون والعايله إبنوح == وإنـــــــتِ تصيرين السهم يرمي الرذيله
ــــــــــــــــــــــــــــــــــــــــــــــــــ ـــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldu2p45664.mp3.html