[البدري14]

ابوذيات ببعض مناطق العراق
-------
انعجد مر مر يصاح عليك حلفاي
احلف بالايمان ونكر حلفاي
نشدته منين كال الاصل حلفاي
وسكن بين النجف والغاضريه
----
دوه خلخال خلي من دوانه
تطيب الالف عله من دوانه
ساءلته وكال نسكن من دوانه
مابين الجفل والقادسيه
-----
يتخلبص غزلي بشوكك واحله
علــيه اتلطف بمري واحله
من صوغ الك كتلي واحله
نجر ما صد علي بالعين منطار
وشفت الفجر بالوجنات منطار
نشدته على اهله وين منطار
يكلي ساكن القاسم واحله
-----
وحق من بدل الميتين بالحاي
وكتب للناس زود ونفع بالحاي
شفت اثنين يمشن سوى بالحاي
شبه غزلان يتخطن سويه
-----
همي وياك ما ينحمل شطره
وبايدك صار بالدلال شطره
نشدته وكال ساكن باكد شطره
عبودي وداعتك وامي غزويه
----
بروج الشوك بلمي وياك غراف
وعلى روحي ملاك الموت غراف
توهمت ورحت يم عبد غراف
بالعبره وطحت يمهم رميه
----
عمت عين الزمن من عين بصره
تهت واتحيرت بالراي بصره
كبل اسبوع جنت بسوك بصره
يبو حسين اشفت وانلعب بيه
----
يهايم هم همت من جنت بالكوت
بعكد جبار الاكرع جنت بالكوت
يكولون الحسن مخلوك بالكوت
طلع كوت الحسن مو كوت هيه
-----
ومعذرة لباقي مناطق العراق الجملية
لطول المقام