[قاسم حتروش]

حروف أسمك مـــــن نور ** بعقلــــــي وكلبي أتدور
حـــــاء وياء وسين ونون ** كلبي بيهن ضل مفتون
وللعاقــــــــــــــــل دستور ** حروف أسمك مــن نور
**************
أربع حـــــــروف لأسمك ** لعرفهن لا مــــــا يهلك
بيهن ضمـــــــــــان الجنة ** ويعيش بجـــــوار أهلك
واللي أتخدمـــــــــه الحور ** حروف أسمك مـــن نور
**************
حروف أسمــــك لتحييني ** ومنها خذت كــــل ديني
ومتأكد أنــــــــــي بحبهن ** النار مــــــــــــا تجويني
ولحبهــــــن مســــــــرور ** حروف أسمك مـــن نور
**************
كل حـــرف بأسمك ثوره ** مولاي يبـــــــن الزهره
واللي عرفهـــــن يحسين ** بارينــــــــه بيها ينصره
وعل طغيــــــــــــان يثور ** حروف أسمك مــــن نور
**************
أقسم قســــــــــم بحروفك ** يحسين أنه مـــــا عوفك
أنت البحر يـــــــا مولاي ** وأرد أرسي يــم جروفك
وليرســـــي منصــــــور ** حروف أسمك مــــن نور
**************
تسأل النـــــــــاس وتنشد ** لعرفهـــــــن ليش مسدد
مــــا تدري درب الباري ** بيهن يغالــــــــــي أتعبد
ليش تلـــــــــــــف وتدور ** حروف أسمك مـــن نور
***********
هــــــــــذه لحروف أتهمنه ** ومنها أحنــــــــه أتعلمنه
لا للظلــــــــــــــم لا للجور ** منها صفــــــت صيحتنه
وللي حبـــــــــــك ســــــور ** حروف أسمك مـــن نور
**************
أرد ألعــــــــــن اللي ضدك ** والظلم حقــّـــــــك بعدك
لعريفــــــــــي والكبله صار ** واللي ظلم حــــــك جدك
والعـــــــار العرعـــــــــــور ** حروف أسمك مـــــن نور



بقلمي
خادم الأطهار (ع)
قاسم حتروش