قرءان وآيــــــات الغيرة .....جفك ياعباس
بس حيدر يعرف تفسيرة .... جفك يا عباس
قــــائد للجود وعنوان .... وللخوة وفة البرهـــــان....جفك يا عباس
الكمر عباس واضح من برز عالجيش وحـدة
لا ابد مو نيته يبرز عالاعادي وجان عنــــدة
الماي لاطفال الزجية يجيبة يروي فلوذ جبدة
ومن جابة جابة بكل قيم .... هد ال امية من هجم .... عالماي والجيشانهزم
وللحرب لو جان كصدة
متضل الموته اعلى الغبرة .... واتفر وي الناس
والكاع وي الجيش اتعثرة .... واتفر وي الناس
ويكلبها الدنيا ابايمان .... وللخوة وفة البرهان.....جفك ياعباس
ومن نزل للحومة سيفة يصهل بغيرة وخيالة
اتعدا بين جيوش امية وجها ضيع هالضلالة
ضيع الليل اعلى نورة وحير الدنية بجمالـــة
فارس على الحومة نزل .... حي على خير العمل .... عباس دك بابالامل
لجل الحسين وعيالة
فارس وابن القالع خيبر .... معروف النبراس
ردلهم صفين وحيدر .... معروف النبراس
راية وابايد الوليان .... وللخوة وفة البرهان.....جفك ياعباس
النبوة اتصيح يوسف عــاين الخوة الاصيلـــة
اهـ 11 جانولك اخوة منهو الك اصبح مثيلة
لو تفر الكون كلة وعمرك انت يطيح حيلــــة
ماتلكة لحزام الظهر ..... بس واحد ومالة اثر .... عباس ابن فارسمضر
لحسين روحة وهم دليلة
رجع للتاريخ اســلامة .... واتمعن باحساس
وشوف العباس وايامة .... واتمعن باحساس
تشوفة ابايات القرءان .... وللخوة وفة البرهان.....جفك ياعباس
ياقلم متوصفة انت وكل وصف تلكـــــــاه عندة
بالرسم مرسوم شخصة وجنة ابوه الحيد وحدة
الشمس شمعة اعلى بابة وهي شامة اتلوح خدة
لو فجئة من تطلع شمس.... تلكة الجنان وي الانس .... تناقش حجيهاوبالهمس
عباس الطلع لو زندة
وبوجها النور البي ساطع .... طالع من الطاس
كل نور النورك ضل خاضع .... طالع من الطاس
نورك سيف اعلى العدوان .... وللخوة وفة البرهان....جفك يا عباس
النهر من حكة ينشف لو ذبل بجروفة ماية
من وصل عباس يمة شافة ذاب بلا دراية
انبهر صد اعلى عينه وصار دمعات الهداية
يوم الوصل يم النهر.... معروف عباس الكمر .... ماعافة يجري بلاصور
بيدة شالة وجنة راية
وعالخيمة الاخته يضل يربة .... بعيونة النوماس
وعاين عباس اعلى الجربة .... بعيونة النوماس
وروة العباس العطشان .... وللخوة وفة البرهان....جفك ياعباس
الشجاعة اتلوذ بسمه والشيم باحضان جفة
ولاذت الغيرة بخيالة وجودة لجل حسين كفة
مالت الخوة وعدلها اوفــــة للمظلوم وفــــة
حيى على خير العمل .... حيى على خير العمل
راية وترف بيد الاهل ..... حيى على خير العمل
بجفوفة مزروع الامل ..... حيى على خير العمل
والنهر كام اعلى حيلة للكمر يختم هوية
@@@@@@@@@
خادم اهل البيت عليهم السلام
الاقل
احمد رفيش
جفك يا عباس ..... بقلم خادم اهل البيت ع ... احمد رفيش
العرض الشجري