نواسي اليوم المختار ..... عل الزهره نهل أعبار
*********
من يوم إفكـــدت الزهره والــــدها
دنت ليها المصايب وسكنت عدها
بهذا الحــال والمخــتار واعــدهـا
للـزهـره همس لمـن دنه بسدهــا
كال إنتي أول خطار .... عل الزهره نهل أعبار
***********
من عدها الضلع مكسور خلف الباب
من هجمو على دار الوديعه اصحاب
نادت يا علي وينـك يالـــيث الغــاب
يا حيدر دخيلك كوم ضلــعي انصاب
نادت وين الكرار ..... عل الزهره نهل أعبار
********
إم زينب كظـت كـل العمـر آهــات
مــن فكـدت أبوها خـاوت الـونات
شافت بعده من الصحبه اللوعـات
من كسر الضلع والباب والطعنات
أ حجيلك هذا الصار .... عل الزهره نهل أعبار
**********
شافت بالحبل مجتوف إبن عمها
وصـي المـختار حـيدر هذا ألمهـا
ألـف ياحـيف دهـر الشوم ظالمها
وتصـيح ويكـت مـن الصـدر دمهـا
صاحت والدمع أنهار ..... عل الزهره نهل أعبا
********
تصيح بصوت يالهادي وتهل أعبار
يبـويـه بنـار حركـوهـا عليـه الـدار
وبضـلـعـي نبـت يابـويـه الـبسمـار
وأنــه بنت النبـي الـهـادي المـختـار
صاحت تدعي الجبار ..... عل الزهره نهل أعبار
**********
خل نجري الدمع ونادي يم حسين
موبس الدمع تجـري دمـوم العيـن
ونسـأل عـل الكبر يانبعة الطيبيـن
ونـادي ياعلـي كبـر الـزجيـة ويـن
ونشبح للمهدي أنظار ..... عل الزهره نهل أعبار
**********
يالمهدي الضلع مكسـور يالـمهـدي
وا ويـلاه كــوم وصـيح يا جــــدي
شوكت لرض المدينه بشيعتك تحدي
مــوفـاض الصـبر يبن الحسن إحدي
وسأل وين البسمار .... عل الزهره نهل أعبار
ابوتكتم الخير
قاسم طاهر القاسمي (اليوم)
نواسي اليوم المختار
العرض الشجري