|
|
عضو فضي
|
|
رقم العضوية : 69022
|
|
الإنتساب : Nov 2011
|
|
المشاركات : 1,551
|
|
بمعدل : 0.33 يوميا
|
|
|
|
|
|
المنتدى :
المنتدى الثقافي
ابوتكتم الخير :عتب مع الأمام الحجة (عجل ألله فرجه الشريف)
بتاريخ : 08-12-2011 الساعة : 11:16 AM
شوكت راياتك ترف بكربله
يابو صالح إلك بلطف عايله
***********
إلك ظلت سيدي بالطف حرم
بلا معين ولا جفيل ولا خيم
بس عليل مكيد و حيله إنهدم
وعمته تصيح العده يسلبونه
************
سلبو حسين العقيله نادتك
كوم يا مولاي شاهد عيلتك
بسوط يبن الحسن ضربوعمتك
وصدرأبو اليمه العده يرضونه
************
صدره بلطف رضته الخياله
وعينه ظلت شابحه إعله عياله
سيدي ترضيك هاي الحاله
إخت مسبيه إخو يذبحونه
***********
ذبحو المظلوم والعيلة إنسبت
وناحت عليه السمه ومن دم بجت
وللكمر يبن الحسن زينب مشت
تنادي ياخويه العده نهبونه
************
نهبو النسوان والستر إنهتك
وإنته هذا النوم مو من شيمتك
وما أظن تقبل يغايب غيرتك
ولارخيص عليك دمع سكينه
************
ولارخيص عليك عبدالله الرضيع
بحضن أبوه إمكمط بدمه النجيع
وإحنه ندري دمه عندك مايضيع
لا جن أخذ الثار طال علينه
***********
علينه طالت سيدي سنين الغياب
و ما سمعنه بكربله منك جواب
وإحنه من نعتب تره يطول العتاب
شعجب للطف ماحضر مهدينه
************
إكصد لطف كربله ويه الصباح
مليهه نار وخيل وسيوف ورماح
وإسأل بيا سبب يا مهدينه طاح
عمك العباس وي جفينه
***********
جفوفه عمك يالعجيد إمبتره
وفوكَ ضرب العمد كطعو منحره
وخبط وي ماي النهر دمه الجره
وسهم إبن كاهل تعده لعينهِ
ابوتكتم الخير
قاسم طاهر القاسمي
12/محرم /1433
| |
|
|
|
|
|
العرض الشجري