السيد محمـــــــــد أكصد زوره وأطلـب منــّه مراد
ميردك خايب لا والله هــــــــــــــــــــذا أبن الأمجاد
بكرم مـــــــــدّه -------- علي جـــــــــــــــدّه
أطلب منـّـــــه مــــــــــــــــــــراد
*********
يل تايه بوســــط الدرب ومبتلي بفيض همومك
لو عندك أكبـــــر مشكله شــــد العزم من يومك
أكصد لبن حامــي ألحمه لسبـــع الدجيل قدومك
تنتهي عنـــــــده المشكلة وبالفرح ترجـع دومك
معروف بجـــــــــــــــوده وإحسانه ويردك مرتاح
والهم اللي جان بصدرك مــــــــــــن ترجع ينزاح
بعجل كصـــــده --------- علي جـــــــــــــدّه
أطلب منـّـــــه مــــــــــــــــــــراد
**********
أتعناه وأكصد مـــــرقده وبطلبتــــــــك لا تحتار
وبكلب خاشـــــــع كلـّمه وأحجيله كــــل الأسرار
بالصدق ناجـي حضرته يسمعك حمّـــــاي الجار
معروف يكضيهـا ألشدد الكل تعرفه صغار كبار
جــــــم شارة وشارة اللي عنده والتحجيها الناس
لا أقــــــــــــلام اللي تحصيها ولا يوفي القرطاس
سخي بيــــــــدّه -------- علي جـــــــــــــدّه
أطلب منـّـــــه مــــــــــــــــــــراد
*********
عشنه بجواره بكل هنه وحمانه مـــــن العدوان
ومن حوطونه أهل الكفر وأجتمع حزب الشيطان
أبسوره سورهـــــا البلد معروف حامي الجيران
لف ديرتــــــــه وبرايته وبيده بعدهــــــا النيران
حاماها ألديره وغطاهــــــــــــــــــا بجفونه المتنام
مــــــــــــــــــــا يقبل تنذل أنصاره ولا يقبل تنضام
الهنة بســــــــدّه ----------- علي جــــــــــدّه
أطلب منـّـــــه مــــــــــــــــــــراد
**********
جيرانه عشنه بكــل فخر والنعم مـــــــن جواره
وحمانه من جور الزمن ومــــــن ألعده ألغدارة
مـــــا يرد واحد لو سأل ميرد أبـــــــــد خطاره
ومضيفه مفتـــوح بكرم يرحب بكلمـــــن زاره
ميرد الزاير لـــــــــــــــــــــــو جاله يرحب بالزوار
ويرحب باللي تعناله مــــــــــــــــــن كــل الأمصار
بفـــــــــرح ردّه ------------- علي جــــــــــدّه
أطلب منـّـــــه مــــــــــــــــــــراد
*********
أسمع لهــــــــــــذه شارته لتحجيها كــل العربان
أثنين دخلـــــــــــوا مرقده لجل القســـم والأيمان
لأده اليمين بحضرتـــــــه طالع أبــــد مو ندمان
كال الشخص من صحبته أرجع كلهم مات فلان
مــــــــن حضروا يمه كل ربعه ضل نايم مطروح
تحت الشجرة الكاعد عدهــــا طلعت منــّه الروح
الفرج عنــــــــــده ----------- علي جــــــــــدّه
أطلب منـّـــــه مــــــــــــــــــــراد
*********
ندريك متـــــــــرد لسأل بجودك تفيض علينه
ولهــــذا جينه لحضرتك ومدّينــــــه لك أيدينه
تكضي حوايج هل جمع نسألك يــــــــا والينه
وتفرج همـــــوم الشعب والأمن يرجـــع لينه
نعمه هـــذه اللي فكدناها وعشنه بحيرة وخوف
تردها بجاهك يـــــــــــا مولانه ونعيش المألوف
نهى ألشـــــــدّه ------------- علي جــــــــدّه
أطلب منـّـــــه مــــــــــــــــــــراد
خادم الحسين (عليه السلام )
الشاعر : قاسم عباس حتروش
قصيده للسيد محمد ابن الامام علي الهادي (عليهم السلام )
العرض الشجري