[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

ســـــــــــــــر الزهـــــــــــــــــــراء
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
سر أودعَه الباري عِلَه بيها === أم الحسن منهو اليدانيها
ـــــــــــــــــــــــــــــــــــــــ
سر أودعه الرحمن بالزهره == مَحّد عرف طول الدهر أمره
كُل مَنْ ذكرها إينال من أجره == طه النبي أحمدنه هاديها
ــــــــ
إمها خديجه هالصدق ظنها == أخْيَر نِسَه بالكون وَلْدَنْها
نور النبي يظهر بده منها == هذا الضوه من فاطمه البيها
ـــــــ
هاذي البتول الكلّمَتْ أمها == من عالم الأرحام جن يمها
مثل النبي عيسى نطق فمها == طه النبي نوره ظهر بيها
ــــــــ
إنخلقتْ البضعه من الجنه == عطر إو يشم سيد الرسل منّه
وإلّي يشم عطر السمه إتهنّه == وإلّي يريد الخير ياتيها
ــــــــ
نزلن حواري غسلن الفاطم == ماي الغسل من السمه قادم
بضعة محمد صاغها العالم == كل الصفات الطاهره بيها
ــــــــ
بَطْهَر ثياب الطاهره إلّفَتْ == الله وفاها العالمه الصبرتْ
بيها الشفاعه للمحب ظهرتْ == وإلّي يحبها إيفوز تاليها
ــــــــ
يوم الحشر منها الوفه إنّاله == من النبي وأهل الكرم آله
يوم الحشر كل واحد إبحاله == بس المحب عنده أمل بيها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
مع تحيات شاعر اهل البيت / جابر النجفي
إسمعوا طور القصيده على الرابط التالي
http://www.wlidk.net/dld7bi45224.mp3.html