[فتاة الاحلام]

رسالة من سعودي إلى الثوّار وكل العالم...




الشيعه ايرانيون صفويون يريدون احتلال البحرين .. يريدون ان تكون لهم حكومة في الخليج .. يريدون تنفيذ مخططات ايران في المنطقة ...

هذا اللي كتبته اصبح حديث الناس في المنتديات والفيس بوك .. انا كنت اقرا واسمع هالكلام ..وماكنت اصدق الكلام ولا اكذبه .. ماكان عندي موقف معين

صدقوني .. انا عمري 25 سنه الان .. والى الان ما اعرف ولا شخص من الطائفة الشيعية .. كل معلوماتي وثقافتي عن المذهب واتباعه مصدرها من الثقافة اللي انا عايش فيها

الثورة اللتي قام بها شعب البحرين .. ومع انها ليست ثورة مذهبيه .. ليست من طرف واحد .. كون اغلبية المعتصمين شيعة لا يعني انها مذهبية .. فليس ذنب الشيعة انهم الاغلبية الساحقة في المجتمع البحريني الصغير

المهم .. ما سأكتبه هنا ليس تملقا لأحد .. يشهد الله علي اني اكتب هالموضوع وانا ارى الحق كأنه الشمس .. وثورة شعب البحرين الهمتني .. مع ان علاقتي بها لا تتعدا القنوات التلفزيونية والانترنت .. الا اني شعرت بأني واحد منكم اعاني معاناتكم .. وادعو لكم في صلواتي ان يلهمكم الله الهاما يجعل لكم قبولا عند البشر اجمعين ..


احبابي ..

اعرف انكم تتابعون المشهد البحريني من منظر واحد وزاوية واحدة .. وكل الظروف اللتي تمر فيها ثورتكم لا ترضيكم .. كلكم تبكون على شهدائكم .. وتلومون الاعلام والعالم اللذي شاهد مظلوميتكم ولم يتحرك .. وتشاهدون الجيوش تدخل ارضكم وتقتل ابنائكم والعالم يصم اذنيه عن سماع شكواكم ومناشدتكم ..

اعرف ان هذا الظرف يؤلمكم ... ولكن يجب ان لا تغفلوا ان هذه الظروف تثير الاسئلة ..

منذ 14 فبراير .. لم اكن متعاطفا مع ثورتكم .. كنت احكم عليها بالفشل .. كنت اقول انها ثورة خمينية مذهبية لها اهداف تتعلق بايران وووو الخ

ومع مرور الايام وسقوط الشهداء .. كنت اقول ياربي طيب هذولا يطلعون من بيوتهم ويلبسون اكفانهم بس عشان ايران ؟

يتمشون بين فوهات الرشاشات وهم يرفعون ايديهم .. وتطلق عليهم النيران ويسقطون وتسيل دمائهم .. بس عشان ايران؟

كان مصدري في تلقي اخبار الثورة تلفزيون البحرين .. كان يقول معممين وخونه ومرتزقه واجندات خارجية ..

انا اول مره اشوف اجندات خاريجية .. يقتل عشانها ابناء في عمر الزهور .. وتفجر جماجمهم وتزهق ارواحهم لأجل اجندات خارجية !!!

كل شيء اصبح غير منطقي بالنسبة لي ...

الوضع باختصار صار اسئلة بدون اجوبة .. وصار كل همي اني القى الاجوبة

طلعت من الرياض .. رايح للبحرين .. ماكان عندي اي مشاعر بالنسبة للبحرين .. كنت اتوقعها مجموعة فنادق ودولة سياحية يعني .. واغلبها سعوديين دايما الناس تشكك باخلاقهم

عند الجوازات على الجسر .. عطيته جوازي .. قال لا احتاج بطاقة الاحوال ..

سألته ليش تبي بطاقتي .. انا اعرف ان الجوازات تسأل عن الجواز .. ما تسأل عن البطاقة .. قال لازم اعرف مكان الاصدار .. عندنا تعليمات مانسمح للاشخاص مواليد الاحساء والقطيف بالخروج للبحرين !!

المهم دخلت البحرين .. ما اخفيكم اني كنت خايف .. انا سني وسيارتي سعودية ..والمعلومات اللي كانت عندي تقول ان الشيعه يستهدفون اي سيارة سعودية .. الخ

المهم وقفت سيارتي وركبت تكسي .. نزلت عند مكان قريب من الدوار .. كان فيه مجموعة اشخاص يلبسون الملابس اللي تعكس الانوار.. كانوا ينظمون السير ويمنعون السيارات تدخل الدوار .. اضطريت امشي مسافة الين وصلت الدوار

دخلت الدوار .. مابقيت مكان ما جيته في الدوار .. كان عندي اصرار اني اتعرف على ناس متواجدين في الدوار .. كان وقتها واحد واقف في المنصة يتكلم وكان كلامه جدا مؤثر ..

المهم اول مانزل من المنصة مسكت يده وصافحته .. وتحدثت معاه وتعرفت عليه .. تتبادلنا ارقام جوالاتنا

جلست في البحرين 3 ايام .. كل يوم اتواجد في الدوار .. بديت احب المكان .. حسيت الناس كلهم يعرفون بعضهم .. كل جلساتهم واحاديثهم ما تتكلم عن المذهب .. لدرجة اني شكيت انهم شيعة

كلهم يتكلمون عن المستقبل اللي يحلمون فيه .. اغلب كلامهم كان عن شخص في السلطة اسمه خليفة .. حتى الملك ما كانوا يتكلمون عنه

كل يوم احظر للدوار .. ومعاي دفتر وقلم .. كاني داخل الجامعه .. كنت اسجل فيه كل شيء

تعرفت على خدعة الميثاق الوطني والدستور القديم والجديد .. تصدقون ماكنت اعرف ان البحرين صارت مملكه الا من كم سنه .. تعرفت على اشخاص اخذوني معاهم رحنا لاماكن في البحرين .. سترة وكرزاكان وسلماباد

كل الاشخاص اللي قابلتهم وتكلمت معاهم .. يجمع بينهم شيء واحد .. الايمان بالتغيير والطموح والامل

كانوا يقولون هذي اخر مواجهه لنا مع الحكومه .. ماعاد نرضى نعيش في الظلم والقهر

قبل ما اودعهم .. سألتهم عن مواقع موثوق فيها اقدر اعرف منها اخبارهم وفعالياتهم ..

رجعت للسعودية .. ورجعت الرياض .. وانا مؤمن ايمان كامل بأن الواقع اللذي في البحرين يختلف اختلاف جذري عن حديث الناس ..

كل يوم اتصل بالشخص اللي تعرفت عليه في الدوار .. كان كل مره يقول لي مو لازم تكون مذيع او صاحب جريدة او صاحب قناة تلفزيونيه عشان تتكلم .. انت تقدر تتكلم وتشرح الوضع حتى لو مايسمعك الا امك .. احنا محتاجين لدعوه من قلبها اكثر من حاجتنا لاي شي ثاني

ماكنت اروح مكان الا ومعاي الدفتر اللي كنت اسجل فيه كل شي .. وصار هو محور حديثي في كل مجلس .. صاروا يسموني الشيعي .. واللي يقول اني تشيعت .. واللي يقول اني متأثر بقناة العالم

الحمد لله قدرت اكسب مجموعات شبابية .. خاصة بعد حادثة الخميس الدامي .. وبعد المقاطع اللي انتشرت للشهداء واطلاق النار على العزل

بعد دخول درع الجزيرة للبحرين .. كتبنا رسائل مناشدة لخادم الحرمين الشريفين .. لم نقف مكتوفي الايدي ... مع اننا ماعندنا برلمان ولا يوجد قيمة لصوت الشعب .. صدقوني لو كان هناك برلمان لسمعتم اصوات معارضة لدخول درع الجزيرة .. ولما تحولت تعليقات بعض المتحمسين في الفيس بوك والتويتر الى تعميم على السعوديين ووصفهم بالدموين واحفاد بني امية

وحده من البنات كتبت في الفيس بوك .. كل سنة العالم متعاطفين معنا الا سنة السعودية .. تجري في عروقهم دماء يزيد !!!

انا ما كنت ابي اكتب هالموضوع في منتدى يؤمن بالثورة البحرينية ويترحم على شهداءها .. الاولى اني اكتبه في منتدى تنتشر فيه الاشاعات والاكاذيب والتخوين وتوزيع الولائات على الناس وكأن الله استخلفهم في الارض على عباده ...


من السعودية .. ومن الرياض .. ومن قلب ارض الوهابية .. اقول لكم انتم مثلي الاعلى ياشيعة ال البيت .. اتمنى ان ينصركم الله على من ظلمكم وسفك دماءكم...




وعلى الطاير هذا فيديو لخالد من السعودية فعلا رجال ولد رجااااااااااااااااااااال
منقوووووووووووول
ملاحظة: لم أستطع الحصول على وصلة الفيديو سامحوني.