[سعد مطلوب]

(( صبُر أيوب ))

صَبُر أيوب عَديتــه يصبري ... مُصاب حسين هدم ركن عمري
غريبه والعمر كَضّية بالحسره ... وأخويه بكربله متوسد الغبره
مصاب حسين هدم ركن عمري
************
زينب أنـه أخت حســــين معروفه
مرمرني زمـانـي أبطبة الكـــــوفه
أخـذ مني الكفيـــــل بطيحة چفـوفـه
صدگ عباس راح أوعيني متشوفه
چفيلي شـــــــلون خلاني بأذيــه ... وحيـده وحايره بهاي المســــيه
عُكَبه شلون من يجبُرأبكسري ... مصاب حسين هدم ركن عمري
************
شفت عريس من دم ركَبتـه أتحنه
جاسـم بالمعاره ســـــيوف زفنـــه
رمله تنــــادي وين أبني وأودعنه
من شــافته مخضب كَطعت الظنه
تصيح أبصوت ياســـــباح كَلبي ... ترى أبليــــاك ماوچدت دربي
بالحسره أونن أكَظي دهري ... مصاب حسين هدم ركن عمري
************
شبيه الهادي طاح أبحومة الميدان
متغسل أبدمه أتوســـــــــد التربان
راسـه يدور مابين الحرم عالزان
شـــــبّت بالكلب لمصيبته النيـران
دنيايه صفت وحشــه وكئيبه ... عله الآه الكلب فجــر نحيبــــه
دموع العين عالوجنات تجري ... مصاب حسين هدم ركن عمري
************
أنه بعيني شفت نحر الطفل منصاب
بنبـلة حرمه چيد أبن أخـــويه أنعاب
چبــده من العِطش والنـــايبه هالذاب
عُكَبه لاحله جـــــاري العذب لاطاب
رضيع حســــين متروي نِريده ... ماندري الطفل حزو وريده
نيران الهظم بحشــاي تسري ... مصاب حسين هدم ركن عمري
************
نيــــران الخيـــم يابـــن أمي شبوها
وأطفالك يخويه بحســــــــره خلوها
ســكنه والخدر لليســـــــر يــردوها
عليـلك رُكَبتــه بزنجيـل كيــــــدوها
ينـوح أوينعي بن حامي الحميـــه ... يبويه شلون بَعدك منهو ليه
يريت أعداك هشموا بويه صـدري ... مصاب حسين هدم ركن عمري
************
شفت راس أبن أبويه يلوح عالعالي
ينــــاديني يزينب بيــدچ أعيـــــالي
أنه أدري عليچ تتكالب ليـــــــــالي
تره بغيــــرچ يحــره كَل أمل مـالي
يخويـــــه ويـاك ماخالفت عهــدي ... هالعيــــال ويدعَت طه جــدي
أنه بهالحال لله تركت أمري ... مصاب حسين هدم ركن عمري
************
بقلم / سـعد مطلوب الخفاجي