[المتقي]

عبد الله عبد الله مهدك يتانيك

* * *

ابسهم الكدر شفت النحرمذبوح

ظليت اون دمع الجفن مسفوح

فكدك صعب صاب الكلب والروح

وروحي الك تتأملك وتنوح

يوليدي مو بيدي اصرخ وناديك

عبد الله عبد الله مهدك يتانيك

* * *

اشظل بالعمر من الصبر مليت

دمعي يهل حن الأبل حنيت

تاه الفكر ليك انتظر ظليت

حيلي انفكد خالي المهد ناديت

اتمنه تتعنه وترجع وناغيك

عبد الله عبد الله مهدك يتانيك

* * *

كلبي انصدع حين انكطع نحرك

حيف واسف يبني انخسف بدرك

ظليت اعد عمر الورد عمرك

وظل يلتهب يطفه ويشب جمرك

عين امك من دمك تجري اوتواسيك

عبد الله عبد الله مهدك يتانيك

* * *

اشما تبتعد لاتعتقد انساك

ابوادي الحزن ريت اندفن وياك

فكري انذهل سهم الأجل وافاك

كوز الألم صابك سهم وارداك

اّ يبني صوبني سهم اللي راميك

عبد الله عبد الله مهدك يتانيك

* * *

لمن غبت ما حسبت هالحال

ولاجنت اظن فكد الأبن جتال

ابهاي المحن نال الزمن ما نال

صب الخصم جور وهظم واهوال

مهمومه ومحرومه و كلبي انفجع بيك

عبد الله بعد الله مهدك يتانيك