[Nakheel_Aliraq]

الحب والزواج عن طريق الانترنت >>هل ينجح؟
مقتبس
00000000000000000000000000000000000000000000000000 0000000000000000000000000000

اللهم صـــــــــل على محمد وآل محمد

سؤال مر في بالي واني اتذكر القصص المأساوية اللي قراتها وسمعت عنها

ياترى انتوا شنو وجهة نظركم بهالموضوع ..
هل ممكن تنجح علاقة عاطفية بين اثنين بدأت من الانترنت
ووصلت الى الزواج .. ؟؟


في تصوركم شنو مستقبل هالعلاقة وشنو آثارها على الطرفين ؟؟
هل انتم من المؤيدين ام المعارضين لمشروع الزواج عن طريق الانترنت ؟؟
هل تأمني اخية ان تسلمي مشاعرك لشخص مجهول .. معرفتك به من وراء الشاشة ..؟؟؟


احب اعرض لكم نموذجين من القصص وحدة قرأت عنها والثانية قصة حقيقية
وقعت احداثها بالقرب منا وشهدت على هالتجربة المريرة ..


القصة الاولى نشروها في الجرايد ..


بحسب اللي اذكره انه في شاب تعرف على وحدةعن طريق النت
والصبي انجرف بعواطفه واحاسيسه لهالبنت وعزم انه يتقدم لها


هي وافقت ولما سألو اهله عنها لقوها وحدة متزوجة والافضع من جديه انها
مدرسة "يعني مربية اجيال " انصدم الصبي وصادته حالة نفسية
لكنه مارضى لها بالفضيحة وستر عليها وفوض امره لله مع ان الجرح اللي بداخل قلبه
صعب يلتئم ..

اما القصةالثانية ..

قصة بنت تعرفت على شاب من دولة مجاورة عن طريق الشات
ونشات بينهم علاقة عاطفية .. امتدت ل 5 سنوات
بين الوعود والاوهام واصلت البنت علاقتها بالشاب وهي تدري

ان علاقتهم مستحيلة لانه في عوائق كثيرة اولها انه من جنسية ثانية
واذا تخطوا هالعقبة في عقبة اكبر منها وهي انهم من مذهبين مختلفين
يعني هي شيعية وهو سني .. لكنها رغم كل هذا استمرت معاه

حتى في يوم من الايام صدمها بخبر انه راح يتزوج وحدة من بلده
مادري يمكن بعد قال ليها جبروه على بنت عمه..
ورك جرح غائر في قلب البنت مستحيل يلتئم ..


وهذي النهايةالمأساوية لهالطريق
مع العلم ان في ناس يقولون انه في زواجات ناجحة تمت عن طريق النت
ولازالت قائمة ومن احسن مايكون ..


شرايكم انتوا في القصتين وفي مسألة الزواج عن طريق النت؟؟

بانتظار آراءكم