[عاشق الأهات]

يوكتي اشبيك ليش امعاند اوياي



يوكتي اشبيك ليش امعاند اوياي


ماتنصح عجيبه اوياي فد نوب

شنو ذنب الجنيته اتبوك الافراح

وتخيط الحزن يا وكتي بالثوب

ما عندي يوكتي اوياك تقصير

مشيت انه اعله دربك كل الدروب

ردت منك يوكتي اتصيرلي احزام

مو سچين تصبح واني مصيوب

كبل وادمنه يمي اهواي ترتاح

واحس بيهم وفه اوطيبين الكلوب

لئن تحت الأشاره الكل يصيرون

ينفذون الأريده ابغير مطلوب

شو هسه صفت كل ناسي عدوان

اويكرهوني يوكتي واني محبوب

عجب شنهو التغير بالبشر ليش

من يصبح فقير ايصير معيوب

واريد اعرف يوكتي اشلون انعاب

لئن ما مدً ايدي وأملي الجيوب

اولئن وكتي عليه اندار ظليت

وحيد ابلا أهل واصحاب مذبوب

صحيح العوز كاسر جنحي ما طير

اودمعتي اتسيل صارت ويه الغروب

اوصحيح اني انام امرار جوعان

وبثلج البرد الفراش مرطوب

اوصحيح الصيف حره اينام بحشاي

اوتحسر هظيمه الماي الحبوب

بس ما ذل يوكتي الكان ميكون

لو اشرب جمر واتريك اذنوب

لئن واثق يوكتي ادور الايام

والغالب يوكتي ايصير مغلوب

__________
تحياتي
عاشق الاهات

[|| حـــروف نابضة ||]

السلام عليكم

سيدي عاشق الأهات

أيها الباذخ

سيبقى الوقت يعاند العشاق
يعاند حتى متاهات الإنتظار
الوقت كمد البصر طويل وبعيد

قلمكم مميز يا سيدي

حروف...

[نور الزهراء]

أه يا قلبي
أه منك يا زماني
أبداع والله أبداع وروعه
هذي القصيدة كأن العراق هو اللي يتكلم ويتألم
أه يا عراق كم أحبك

[عاشق الأهات]

حروف
مثل العاده مرور روعه و رد اروعه
نورتي الصفحه يالغاليه

[عاشق الأهات]

نور
يا هلا ولله
نورتي الصفحه

[غفران]

شنو ذنب الجنيته اتبوك الافراح
وتخيط الحزن يا وكتي بالثوب
ما عندي يوكتي اوياك تقصير
مشيت انه اعله دربك كل الدروب

عاشت ايدك عاشق الاهات على هاي الكلمات
جدا جميله و رائعه فعلا

[عاشقة النجف]

بسمه تعالى
اللهم صل على محمد وال محمد

اخي الفاضل عاشق الاهات
الف شكر لك على القصيده والكلمات الجميله
بوركت ووفقك الباري لكل خير ياااااااااارب
هل هي من كتاباتك اخي الفاضل

[عاشق الأهات]

غفران
مشكوره على المرور
نورتي

[عاشق الأهات]

هلا ولله
عاشقه النجف
اول شي مشكوره على المرور
و القصيده الى صديق شاف حالتي و قال الا اكتب قصيده ههههههههه
بس تتقدرين تقولين من كتاباتي

[بنت النور]

دائما متالق من كتابتك بس اول كم مراه قراتها لان الكلام اعراقي بس حلو وايد