[البدري14]

اقتباس : المشاركة الأصلية كتبت بواسطة البدري14 [ مشاهدة المشاركة ]

يعني ناخذ حرف الراء ----- ربت بين الضلوع وبين روحي واعادلها وتميل بوزن روحي قلت غالي تقول بغلا روحي تبادلنا الهوى وعمت عليه بقلمي هااااااااااااء

----
هيه من تكون بغلا روحاك
بعيد وتلهج بهالاسم روحاك
قلت يعراق روحي فدت روحاك
وروح اهلي اقدمها هديه

بقلمي
هااااااااااااء

[مرتضى العاملي]

هَم عنيتك
وْهَم رجيتك
نخلق بحفنة جفنـِّا
الله ياحفنة جفن شيمة
وعين واكتار وْسِترْ

استرني ﮔتلك
شـﭼـَّت ظنون بصفحتي
واندبت:
يادهر ماليش غيره
عاق ثاري
وآنه اندب بعزِّكْ
يا أبو النهرين يا عنق الفضايل
ذنبي انتَ
وتوبتي
وكفري وسجدتي
يا أبو النهرين
يا عنق الفضايل
ياوتد يَا ابن الربيع
يمعروف السمه ونطفة المزنات
حلمي عندك
وْهَمْ صباي او لهوي
واجمل سكتة وآنه اتحزَّمـَك ليلة قـَدِرْ

امَّــنِتْ عندك شبابي
بشيبي جيتك
رايد تردّ النـِّذِرْ.
,,,,,
حرف الراء
تحياتي الى ابو تركي

[البدري14]

رفت جرحي ريافة الهدم الدقاق
وصاحبه بعز الشتاء والدنيا تمطر
وكلت خل ترهم معاي اشلون
ما جان الجرح والجرح ينزف
بس بعد حجي الممكابر ودمعتي
لابده بسد الرمش بس واطرافي ترعش

[البدري14]

رفت جرحي ريافة الهدم الدقاق
وصاحبه بعز الشتاء والدنيا تمطر
وكلت خل ترهم معاي اشلون
ما جان الجرح والجرح ينزف
بس بعد حجي المكابر ودمعتي
لابده بسد الرمش واطرافي ترجف
لابرد يمي والدنيا صيف واني اخذف
وبعد كومه من السوالف عرفت شنهو
السبب هاي الروح تريد بوسه من
العراق القضى ما بين الارهاب وبين
الصرخات النشاز وي التطرف
وروحي ظلت جن فتيله براس شمعه
وهوى عالي وهيه تلكف
وانا اظل اكتب شعر وبلا وزن
عذبت حتى القوافي من التخلف
آآآآآآه يا عراق
العاملي انت تسكن الفؤاد كالعراق
بس واطرافي ترعش

[/quote]

[مرتضى العاملي]

شفتك يالبدري مو حزين
لكن انت حزين
مثل بلبل كعد متأخر
لكه البستان
كله إبلايه تين
مثل صندوك العرس
ينباع خردة عشك
من تمضي السنين

***
يجي يوم إنلم حزن الايام
وإثياب الصبر
وإنرد لهلنا
يجي ذاك اليوم
لجن آني خايف
كبل ذاك اليوم
تاكلني العجارب
***
يجي ذاك اليوم
وإذا ما جاش
إدفنوني على حيلي
وكصتي للنجف متوجه

****

ياطير وصل للبدري
مني سلام وشوك
كله الشِعر يا بو تركي
الصايته ايلوك
ياملح شِعر العرب
يلشَعر راسك شلب
سافر إبجسمك سفر
وروحك تظل ياوفي
مشتوله وي الكصب

***
ياطير من ينذبح يجفل
يغرّد تعب
يسـَكت إغراب النعب
رفة إجناحك سحر
رفة إجناحك شعر
عندك قصايد نوك
عندك فخاتي شجن
عَ النجمه غنن فوك
عَ النسمة ناحن شوك
***
آنه ارد اروح لابو تركي
ماروح انه الغيره
وأحجيله
صارت صدك
وباعوني إبليرة
والليره طلعت شبه
وإشتعلت الحيره
والناس تنطر للبدري
يرجع بريل السعد
محمّل أشعار ورد
ويكحّل الديره
آنه ارد أروح لابوتركي
ماروح أنه الغيره
***
ياطير وصّي ابوتركي
خل يطوي ليل السفر
ويجمع تصاويره
يا طير شنهي العذر
ماتعباه السفر ..
وهوَّ بجحيل العمر
والدنيه فريره
***
ياطير بلكت تمر
توصّل سلام الِشعر
وبوساتنه إبكجه
ياطير انشد لبو تركي
ياساحر الحِسجه
يا طير لا تشتمر
إضلوعي الك عشة
***
( يا طير غني بقهر
غنوة عشك يا طير
هودر هواهم ولك
حدر السنابل كطه)
ياطير خاف إتعَثر
بخيال ذيب السِطه
اليحوف نص الليل
ياطير حّمل نده
من هور اِلغموكه
وإخذ الجفن لو رحت
سويه غلك فوكه
وضم النده والدمع
الحوشيه لتبوكه
***
الشعر عندك وطن
والوطن عندك شعر
الوطن عندك جرح
الشعر كمر الصبح
والشعر كيمر ملح
عالناس خضر ضوه
فتّحت باب الِشعر
خليته يشتم هوه
حسيت بيه مخنوك
خاويته من الزغر
وكل ساعه بيه محروك
الشعر عندك شعر
يجري بسواجي الفجر
وعد غيرك اصبح سوك
***
يابدري هلبت تمر
ويشتعل بينه الحيل
وإنرد ندك اكهوه
ويرجع يشمنه الهيل
مر بينه مره يابدر
وصافح صبحنه اريوك
ياطير بلغ اخونا البدر مني سلام وشوك
مني سلام
وشووووووووك

تحيااتي لاخي البدري

على وزن قصيدة ياريل لمظفر النواب
خليته الك

[البدري14]

شفت الكتبته وصحت صوت
ومن صيحتي فرت طيور الغفت
فوق الغصن سلهمن
وعيوني متحاربه وي النوم
ما سلهمن
هاي الخلق يمكم يا صاح سلها من
فارق اعزاز مثلي ودليله انشلع
وظل يسعل من القهر
والقلب منه انشلع
عجز انخله منتهي
شالفرق لو انشلع
لو ضل ثمر ما طلع فلاح لو بارى اله
يا لايمي بس بعد ماظل صبر
وانتهي تلوم المفارق هله
دمعه يصب صب نهر
من مرتفع منهله
يا مرتضى مروتك لا تذكر الطير بهله
حيث البعد راس الدليل اشلعه
اشكال طير الكرى براس النخل
واشلعا
يا كوكتي من الوجد
والوجد قلبه اشلعه
وتحياتي لابي محمد العاملي

[مرتضى العاملي]

اقتباس : المشاركة الأصلية كتبت بواسطة البدري14 [ مشاهدة المشاركة ]

شفت الكتبته وصحت صوت ومن صيحتي فرت طيور الغفت فوق الغصن سلهمن وعيوني متحاربه وي النوم ما سلهمن هاي الخلق يمكم يا صاح سلها من فارق اعزاز مثلي ودليله انشلع وظل يسعل من القهر والقلب منه انشلع عجز انخله منتهي شالفرق لو انشلع لو ضل ثمر ما طلع فلاح لو بارى اله يا لايمي بس بعد ماظل صبر وانتهي تلوم المفارق هله دمعه يصب صب نهر من مرتفع منهله يا مرتضى مروتك لا تذكر الطير بهله حيث البعد راس الدليل اشلعه اشكال طير الكرى براس النخل واشلعا يا كوكتي من الوجد والوجد قلبه اشلعه وتحياتي لابي محمد العاملي

انه ردتك نهر
حتى روحي من العمق
تلعب ابكيشه
ولاجنح طير
بشموس وماي
يتبختر ابريشه
ولاعقل مهموم
يتهنى بخزن قات
وحشيشه
منخطف لونك نهار وليل
خايف
هذا آخر صيف
من غربتك تعيشه !
****
تحيااتي لابو تركي الكريم

[البدري14]

العاملي
لا ما اهم بحالتي وشلعت قلبها
ولا اهم بموتي وهيه يم ربك كتبها
انا اهم بديرتي المحد رحمها
عراك من قامت الساعة وامنا ما بطل دمعها
وراح ظالم جرع الناس السموم
وقلنا اجانا اخونا الشارك الذله ورضعها
بلكي يرفع هاي عنا ويعلق بداري شمعها
قام اخونا بكل حقاره عابها لنص السفينه
يريد بالغبة طبعها
ومدري شلون تفرج وانا اقولن راح تفرج
وانتظر ذيج الدلال ولمة الروح بربعها
تظن ترجع يا مرتضى لو شجره والجاهل
قطعها ؟

[ايمان حسيني]

هاي الجموع اليوم لكربله تعنت
ميهمه قتل وارهاب بدمهه تحنت
تاااااااااااااء
عمو اول مره بحياتي اسويهه هذا اني كتبته
واريد رايك ولو مومسموح التعليق بس سماح هالمره
واعذرني عمو اني شجابني شوداني عالعمالقه بس حبيت اخلي مشاركه ولو اتخربط سره الاحرف اسفه عمو

[حـُـلم]

تسمو على الأرواح أرواحُكم
و تعآنق ُ الغيمآت في نجواها
فكل ِ الحروف تنصت ُ دهشة ً
و تغآر حين َالغير َ يقراها

[ لـكل نبض ٍ و حرف ٍ هـُنا ..
و لكل ِ من يكتب ُ في " منتدى الشعر والخواطر"
أبياتا ً لكم أنتم فقط .. ]

(أ)

حـُـلم