[ربيعيه]

نور التجمع كل ليلة جمعه لازم ازعاج مع ان عددنا قليل ومعظمهم كبار

التجمع في بيت اهلي لان الوالده الله يطول عمرها الكبيره وامهم توفت وهم صغار يعني هي الي ضمت اخوتها

فكل التجمع عندها وبيت اهلي واسع وفيه غرف كثير

ولما كانو اصغر قبل لايتزوجو ام وحيده وام معصومه مع بنات خالتي الي قدهم يجلسو في غرفه سوالف المدرسه والتسطير

والصغار في غرفه في الدور الثاني بعد هي غرفة كوي لكن يسمحو اليهم يلعبو فيها

والرجال المجلس والحريم غرفة الجلوس

والاولاد غرفة الكمبيوتر وتلفزيون يشاهدو والصغاريه مره معانا

والحين من كبرو اشوي وام وحيده وبنات خالتي تزوجو ومع اولادهم اف هذا ضرب وهذا طاح وهذا يصرخ

وهذا بيشتري واي الله المعين

على هذا كله والتجمع يجنن ومانبغى نقوم وكل وحده ماتهتم الى افعال الصغار مع بعضهم من ضرب وشكاوي نسكتهم

ويرجعو يلعبو












موضوع حلو نسولف عن تجمعنا

[نور المستوحشين]

الله يحفظ الوالدة ربيعية ويخليكم لبعض

حنا بعد في غرفة يلعبو فيها البنات وغرفة ثانية يلعبو في الاولاد غير قاعة الطعام والمجلس

وحنا نقعد في الصالة بس ماتشوفي الا هذي جت تصيح مايحبوني ولا يلعبوني معاهم وهذيك فلان قالت لي كذا ياعلي تحترق اعصابي من الروحة والجية ...

وغير اذا تجمعنا حنا كلنا خالاتي وبنات خالاتي وخيلاني ونسوان خيلاني ونسوان اولادهم وي الازعاج مو طبيعي مليون وحدة تحكي حكايتها تحسي روحش ضايعة بين هذي وديك خخخخخ

تدري ساعات من كثر الازعاج تجيني غبنة ههههه

يقولو لي الوضع عادي انتي تبالغي خخخخ هو يمكن يكون عادي لأنهم متحمسين بس شوي وينفجر راسي احس روحي ضايعة خخخخخخ

بت خالتي تقول مرة ثانية بجيب لي حبال اربطش حق لاتضيعي خخخخ تتمسخر علي

بس الجمعة حليوة بكل مافيها الله يدومها


تحياتي نور...

[أم جود القمر]

عظم الله اجركم في هذا اليوم بمناسبة وفاة الامام الجواد علية السلااااام

اخباركم أمهات

أم النور

طولي بالش وهدي اعصابش النونو بعد له حق عليش محتاج لهدوءش

ولو اني زيش صايرة عصبية وكبريت قابل للإشتعال على قولتهم ههههههه

الحمل يعمل دور

ولوان احنا امهات الطفل الواحد نخاف عليه من اي شيء

واني معاش في هالشيء بس شنسوي جهال مسيرهم يكبرا وينسوا

[ام النور]

اقتباس : المشاركة الأصلية كتبت بواسطة ربيعيه [ مشاهدة المشاركة ]

ام النور امكن علشان تعب الحمل ومزاجيته تدري مره الوحده رايقه وساعه الا معصبه ومصدعه ولدك لانه وحيد بتعلميه بيسمع الكلام ولسا ما راح الروضه ولان بعض الاطفال من يدخلو الروضه يكتسبو الحركات بسرعه من الاطفال ويقلدو فتره معينه وبعدين يرجع مثل قيل لانهم يتصرفو كده محاوله للتجربه مثل اسلوب بقية الاطفال واذا الله جاب البنت وكبرت بينفجر راسك من كثر ماتصرخي سكتو ولاتتعاركو حنا حتى زينب الصغننه واخوها واختها الفرق كبير وهم فار وقطو يعني سنور --------------مترجم هههههههههه وسعي بالك ولاتعصبي لاتنسي الحمل واذا شفتيه عملت حركات مو حلوه اخديه في حضنك وكلميه وهديه وشجعيه اذا جلست مؤدب بعطيك وبقولك قصه

هلا اختي ربيعية ....
باين ان عندك خبرة في التعامل مع الاطفال ...الظاهر كاني قرات انك كنتي تدرسي في الروووضة....والله يااختي كلامك صحيييح مادري انا الحساسة ولا ايش بالضبط ...انا اقصد كمان ولد اخوي الله يهديه مادري ليش صايرة اتضايق منه ...لانه صاير مشاغب درجة اولى يعني حتى انا مايحترمني علشان كذا ليلة مارحت بيت اخوي وسوي لي حركة قمت انا اخذتة ومسكت يدة واني معصبة وقلت له لا تسوي كذا مررة ثانية ...ولما يعاند ولدي مثلا بعض الاحيان عادي طبعا بس مثلا وقال له كلمة وانا عارفة لو قالت له امه عيبب وكذا يزيد زيادة فقلت لولدي اذا قالك الكلمة ردها له المفروض عادي ولد اخوي مو مشكلة ابين ضيقي من تصرفاتة ..وولدي قليل الاختلاط ولسا ماراح الروضة ...ومتعود لوحدة في البيت انا مااقول ان عليه حركااات لا كل طفل عليه حركات بس بعد مثلا انه يقول كلمة فيها(( انت كذا )) انا كذا ماتعجبني ابدا علشان كذا صرت اقول له قدام امه ويهمك اذا قالك كذا رد عليه ....
واما على التعصيب صايرة كبرييييييييييييييييت واحس ساعات ان غيري
مايستحملني واسال نفسي يعني عيب اخاف على ولدي وهو عاش معي لوحدة خمس سنييين تقريبا لوحدة ...الطفل الوحيد تتعلقي فيه غيييييييير
وتحبية غييييير ونفسي احد يفهم هذا الشئ ولا يقعد يلومني...رغم اني الوم نفسي بس ماااقدر اغير طبعي على العموم ...اتمنى اسجلة في الروضة في اقرب فرصة ...واخلية يبتعد عني ويختلط مع الاطفال اكثر يمكن ارتاح واحس انه كبر ...يمكن تكلمت كثييييير بس كنت ابي افضفض خصوصا وانتو امهااات سامحوني على الهدرة هههههه.....

[ام النور]

اقتباس : المشاركة الأصلية كتبت بواسطة أم جود القمر [ مشاهدة المشاركة ]

عظم الله اجركم في هذا اليوم بمناسبة وفاة الامام الجواد علية السلااااام اخباركم أمهات أم النور طولي بالش وهدي اعصابش النونو بعد له حق عليش محتاج لهدوءش ولو اني زيش صايرة عصبية وكبريت قابل للإشتعال على قولتهم ههههههه الحمل يعمل دور ولوان احنا امهات الطفل الواحد نخاف عليه من اي شيء واني معاش في هالشيء بس شنسوي جهال مسيرهم يكبرا وينسوا

آآآآه ياام جود حطيتي ايدك على الجرح ويمكن انتي راح تحسي فيي شوي لانك عندك بنت وحيدة الله يحفظها ...مادري اذا كنتي تسوي نفس اللي اسوية ...ولا انا بس كذا وغييييييييييير عن الامهااات كلهم ....
واذا كنت على غلط اتمنى اتغير واشوف الشئ بنظرة ثانية ...
مشكورة اختي والله يخلي لك جود......

[شيعية موالية]

السلام عليكم ورحمة الله وبركاته

اللهم صل على محمد وآل محمد وعجل فرجهم الشريف

شخباركم امهات وعيالكم ؟؟

[ربيعيه]

ام النور لاتضايق ولاشيء وفضفضي واخدي راحتك حنا خواتك ومقدرين ضروف الحمل واني عارفه انك لو ماكنتي حامل بتحكمي على ولد اخوك بشكل ثاني او بتتصرفي معاه بتصرف اخر

لكن الوحده اذا حامل زين اذا راقت الى نفسها

وموقفك صحيح والواجب حتى اولاد اخوتنا نعلمهم الصح من الخطا ونعلمهم الاحترام

الله يسهل عليك ويقومك بالسلامه وتجيبي بنت عمي تلعب مع السيد الصغير

[Blossoms]

اهليين امهاات اخباركم ان شاء الله بخير

ام النور ترى كل ام طبيعي تخاف على اولادها ولا ترضى عليهم لكن طريقة اظهار الخوف تختلف من وحده للثانية

وبالنسبة الى ولد اخوش اذا عاند اخذيه كله بالمسايس وعامليه بلطف(عشان تتجنبي الحزازات بينش وبين امه ) مثلا قولي اله انت شاطر واذا صرت شاطر وماضربت السيد بعطيك هدية ومن هالاساليب او عشان توفروا جو هاديء خليهم يلونوا وتحت عيونش بجديه بتطمني عليه
وخوفش الزايد عليه مامنه فايدة بخليه انسان جبان ويظل دوم ينتظرش اتدافعي عنه واذا راح الروضة بيتعلم اشياء واجد ومن ضمنها كيف يتعامل مع الاطفال الباقي تعرفي لان هناك اشكال الا شيطان والا يضرب والا هاديء والمعلمات (روضة مضر ) ماشاء الله عليهم مايقصروا رووعة خصوصا في التعامل مع الاطفال

[نبراس ال البيت]

بسمه تعالى الاخت الطيبه ام النور فرحت كثير لمن شفت رسالتج واني جدا مشتاقه ومتحمسه حتى انكون صديقات ويشرفني ان اعطيج ايميلي لكن كيف ابعث الايميل انا عضو جديد ومااكدر ابعثلج رساله من خلال المنتدى ممكن انت اتبعثيلي ايميلج انت اتكدرين لان مشاركاتج ب المنتدى اكثر من 200 مشاركه واذا جان اكو طريق ثانيه ل ارسال ايميلي الج كوليلي عليه والف سلامه الج وللبيبي والله ايكومج ب السلامه يارب بحق السيده فاطمه ويخليلج ابنج وشوي شوي ويا لان انت امبين عليج تعبانه من الحمل مثل ما اني افتهمت المراءه ب الحمل مطيق نفسه حقج والله الله كريم تقبلي سلامي وبوسيلي ابنج والله يحفضكم اله امين يا رب العالمين اختج نبراس ال البيت

[ام وحيده]

هلا امهات اخباركم