[احمد العراقي]

حزن النهار

انغزل وجه النهار ابمغزل الدمعات
سكن صوته وحزن مخنوگ باهاته

نزع ثوب الشمس وانطوى ابثوب الليل
بس شلون ليل ابلايه نجماته

نحب مثل الثكالى وهز نحيبه الكون
اويجر نفس الدهر من يجر حسراته

طلگ گد ما غصص شالت ثنايه الروح
عفيه وبگت روحه ابعسر طلگاته

حمل رسم النوايب ثغره مو ضحكات
ما يرهم فرح يلتقي ابلوعاته

ابعگل حاير مشه او نگلة جدم مجبور
سلك درب النهاية ابخوف خطواته

سلك درب المناية ورفض طاري العيش
گص لسان نوره وباع جلماته

على اعتاب الدهر ينطر جناح الموت
بسط من غصب وايبيع ساعاته

عمر بعد الحصل ما راد لحظة ايطول
شنو لذة عمر مذبوحة ضحكاته

غمض جفنه وسرح غافي اعله جتف الموت
دنگ مد رگبته لسيف رحّاته

رضه گطب المأسي ايدور بيه ابويل
ساكت بس سكتّه اتزيد مأساته

لان شمس الصميدة اغربت بالمحراب
وبعد ليا شمس ينطر ابنظراته

يشع لمن يشوفه ايعكس نوره اعليه
هسه ابلا ضواه ضايع ابظلماته

لف خيط الفجر من لمح فجر الدين
ينشد ياهو ظل مندوب شداته

قفل بابه ونحت تابوته حتى ايروح
وي نعشه ويطرگ عگبه صفحاته

طفت شمعة اعيونه وطفه اوياها الشوف
دفن روحه او دفنها ابير عبراته

________________________________

نسألكم الدعاء

[الياسمين]

الف شكر لك على الكلمات الراقيه


لك مني خالص اشكر

[ابو معاد النجفي]

الاخ الرائع المايسترو
احمد العراقي المحترم
دمت متالقا ورائعا كلمات تعبر مابداخلك اخي الرائع جميل ماكتبت وانا
من المتابعين لكتاباتك
طلگ گد ما غصص شالت ثنايه الروح
عفيه وبگت روحه ابعسر طلگاته

حمل رسم النوايب ثغره مو ضحكات
ما يرهم فرح يلتقي ابلوعاته

ابعگل حاير مشه او نگلة جدم مجبور
سلك درب النهاية ابخوف خطواته

اخوكم
ابو معاد النجفي

[احمد العراقي]

السلام عليكم
اختي الفاضلة الياسمين
لكم جزيل الشكر لمروركم الجميل هنا
لاعدمناكم
ودمتم بحفظ الله تعالى
وعليكم السلام

[احمد العراقي]

السلام عليكم
اخي العزيز ابو معاد النجفي
شكرا جزيلا لكم على مروركم العطر واطراءكم الجميل
بارك الله تعالى بكم ووفقكم لكل خير
ولاعدمنا اطلالتكم
وعليكم السلام

[عاشقة النجف]

اقتباس :

طفت شمعة اعيونه وطفه اوياها الشوف دفن روحه او دفنها ابير عبراته

الشاعر المتالق دوما احمد العراقي
الله مااجمل هذه الكلمات
اللتي بحق المتنا عند قرائتها
تعابير ولا اجمل
ادام الله عليكم هذه البركات والنعم..
موفق لكل خير ولاتحرمنا من جديدكم

[اسمر n]

الله عليك يامبدع
اخي احمد سلمت اناملك بهذه القصيده الرائعه بل في قمة الابداع

اجد نفسي صاقيا امام كلمات منبعها قلبا صادق

شكرا لك واتمنى لك الموفقيه بحق محمد وال محمد

[صبر الزينبي]

السلام عليك اخي جميل جداجداكلامك واتمنى لك التوفيق تقبل مروري

[ايمان حسيني]

اخي الكريم احمد
قصيدة رائعه اقولها ملئ فمي
تعجز كلماتي عن وصف روعتها
دمت للتميز عنوان

[نور المستوحشين]

كلمات رائعة من قلم إعتدنا إبداعه

فبوركت وبورك قلمك المعطاء

تحياااتي نور...