[قاسم حتروش]

عبد الله من شاله ** دم الــــدمع ساله
بــــالغاضريه ** بـــالغاضريه
يشرح وضع حاله ** متغيــــره أحواله
بالغاضريه ** بالغاضريه
*********
طفل يتألم أوّضعه وحــــــالته تفت الصخر
جف صدر أمه وأبنها وصل مرحلة الخطر
جابته ليم عمته زينب صــــــــابها هم وكدر
تكلها يختي هذا أبنكم ون على ونـــه الحجر
من الضمه أتألم ** وبحـــــالته يعلم
رب البريه ** رب البريه
جوع وعطش ناله ** وتعبــــانه أوصاله
بالغاضريه ** بالغاضريه
**********
كلها يختي أعلم أنه بهـــــل أمر عنـدي علم
ذوله عدواني الأمامي أبـــــد ما عدهـم رحم
مله باعت للحكمهـــــــــــــا دينها وكل الذمم
ولو طلعت بأبني أدري يختي ينصاب بسهم
بيده أبو الأكبر ** شاله بدر يزهر
أبن الزجيه ** أبـن الزجيه
الكل تسمع أقواله ** وكــل العده كباله
بالغاضريه ** بالغاضريه
**********
طلع من خيمته الوالـــــــي بيده شايل للطفل
طفل بشهوره القليلة من العطش لاوي وذبل
يروي جبده أبو اليمه جــــــان عنده هل أمل
وبعد ما يشرب يرجعه الأمـه بحضان الأهل
يروي ويرد جسمه ** ويبرد كَــلُــــب امه
من الأذيه ** من الأذيه
ويرده لعيــــاله ** كل هاذي آماله
بالغاضريه ** بالغاضريه
*********
خطب خطبه أبـــــــو أليمه وسمعه كل الخصم
وضجه صارت بالمعسكر صار صوبين أنقسم
لن عمر صوته ينـــــــــادي حرمله أنهي الإزم
سحب نبله ومن رماهــــــا بنحر عبد الله أنفطم
من صابه بالمنحر ** صوت الملك كبّر
ذيج المسيـه ** ذيج المسيه
لم دمّه وقــــــراله ** لوجه السمه شاله
بالغاضريه ** بالغاضريه
*********
رد أبو الأكبر بطفلـــــــــــه للخيام امرجعه
وصاح يا زينب يخيتـــي علينه حلت فاجعه
هذا طفلي أنذبح بيـــدي يختي كَلبي مكطعه
لن رباب أتكله جيبه الأبني أشكي مصرعه
تكله بدمع جاري ** أرد أنـدب الباري
بهاي القضيه ** بهاي القضيه
أرد أشكي جتاله ** واللي رمه نباله
بالغاضريه ** بالغاضريه
*******
شكت حالتها الغريبة دم دمه يسيل الدمع
وشرحت الحـالت أبنها بكَلب أم ومنفجع
وندبت الباري بدمعهـا يقبله بهذا الوضع
قربه هاذا لجل دينــك والكتابك والشرع
بالزهره تتوسل ** ياربــــي تتقبل
هاي الهديه ** هاي الهديه
ضل وجهه يتلاله ** والنــومة تحلاله
بالغاضريه ** بالغاضريه
*********
وين مهدينه ينادي يطلــــــــــب بثار الأهل
بضلع أمه وطه جـــده والوصـي خير العمل
ويطلب بثار أبو أليمه وطفله لبحضنه أنجتل
وثار عباس أبو الغيـــره لهل مسه باقي بأمل
ثاره بقـــه يتاني ** المنهاجه رباني
راعي الوصيــه ** راعي الوصيه
من يبدي ترحاله ** يبديها الأعماله
بالغاضريه ** بالغاضريه

الشاعر
خادم الحسين (ع)
قاسم حتروش البلداوي
خادمكم
أسألكم الدعاء