[عشاق المفيد]

سلام.صحنه بالصوت الحزين
سلام. عليك عبد الله الأمين.
،،،،،،،،،،،،،،،،،1
سيفك ماسكت ضل يحچي برگبهم.
الخانوا بالحسين السيف يطلبهم.
ضلت ثورتك كابوس يرعبهم.
بنو العباس انت الي تعذبهم.

سلام. على دمعات العيون.
سلام. على عابس على جون.
سلام. نصرخ بطول السنين.
،،،،،،،،،،،،،،2
تحملت السجون وما تطخ الراس.
ياوارث مراجل عمك العباس.
الشريعة ورقته ودمه صبح قرطاس.
كتب زينب فلا تنذل ابد ياناس.

سلام. على ثورات السلام.
سلام. عليك ياشبل الكرام.
سلام. عليك يبن الطاهرين.
،،،،،،،،،،،،،،،،3
بأولادك تضحي وترفض الطغيان
على ظلام صارت ثورتك بركان.
مثل حسين ترفض بيعة الشيطان.
گلت بس اليوالي حسين اسمه انسان.

سلام. عالگلوب الما تخاف.
سلام. عالسجن والأعتكاف.
سلام. يبن خير المرسلين.
،،،،،،،،،،،،،،،،4

مامعقوله زينب عافتك وحدك.
هيه وفاطمة انتظرنك بلحدك.
ظلموك العدة مثل الحسن جدك.
وغير الله ويقينك كلشي ماعندك.

سلام. عالجروح النازفات.
سلام عالعيون الباكيات
سلام ، على صبرك والحنين.
،،،،،،،،،،،،،،5
اختاريت الشهادة بدرب ابو اليمة.
اليريد الأخرة يتبرع بدمة.
الشهيد يفوز بيه خل تفتخر امه.
عدنه اشچم شهيد النفتخر بسمه.

سلام. على دمك يا شهيد
سلام / على روحك والوريد.
سلام . على الدمعة والونين.
،،،،،،،،،،،،،،،،،،،،،6
ماننسه حشدنه وكل شهيد احنه.
فگدنه اعزاز والفرگه احنه تجرحنه.
مو كلهم شباب من الورد صحنه.
فارگناهم وحسرات تذبحنه.

سلام. على دموع الامهات.
سلام. عالعيون الغافيات.
سلام. على كل مؤمن حزين
،،،،،،،،،،،،،،،،
حيدرموسى الرميثي