[منذر الساعدي]

ابنص شعبان لمتنه وَحَنه
لأن أفراحنه الليله وَحنه
صواني البلشمع تضوي وحِنه
بالمهدي احتفلنه ابن الزجيه


أهداء لميلاد المهدي المنتظر ع
حسين الساعدي

كَلوله يمته اينور ابنوره
روحي ابهواه ياناس منذوره
مشتاكَه هاي العين
للغايب اِمن اسنين
مشتاكَه عيني امناطره اظهوره
كَلوله يمته اينور ابنوره


-------


ياناس ااااااحبه لا تلوموني=كَلوله يمته اينور ابنوره
ما اعوف حُبه لو تعدموني=كَلوله يمته اينور ابنوره
منتظر طيفه اينور اعيوني=كلوله يمته اينور ابنوره
اي والله مشتاكين
يانبعة الطيبيين
ياريت اله عنوان ونزوره
كَلوله يمته اينور ابنوره


-----------


حتى السماء ابميلاده فرحانه=كلوله يمته اينور ابنوره
كل النجوم احتفلت ااااااويانه=كلوله يمته اينور ابنوره
ويه اااااالحبيب ايلوك ملكَانه=كلوله يمته اينور ابنوره
نهتف نصيح ابصوت
قائدنه لو للموت
وبكل كَلب مطبوعه اله صوره
كَلوله يمته اينور ابنوره

-----------


نبقى نتاني وحبه منبيعه=كلوله يمته اينور ابنوره
لو للمنايا انفوت ونطيعه=كلوله يمته اينور ابنوره
هو الأمل للسنه والشيعه=كلوله يمته اينور ابنوره
نتلهف الملكاه
والله ونصول اوياه
راية المهدي ابزوده منصوره
كَلوله يمته اينور ابنوره

الشاعر حسين الساعدي
راق لي