[*أحمد الكعبي*]

مثل أمك علي ما جابت النسوه
أنخلق من طين شخصك آدم وحوه
شَع نور السمه من نورك وضَوه
والأملاك أبخدمتك والعرش كبّر

يكبّر بيك حته اليطبر براسه
وينزفلك مشاعر دمه وأحساسه
حيدر حيدري وشعليهم الساسه
أحب سيفك علي إعله الراس يتبختر

العزيمه البيك چانت كلها من ربك
وضع كل سر وجوده ياعلي بحبك
خيبر ما وگف يالمرتضى ابدربكك
أنقلع من شاف حيدر يندب بحيدر

علي أنته الوصي البسمك هتف جبريل
ويدك بوق النشور أمنسمك أسرافيل
وسيفك ياعلي الفقار عزرائيل
الماوالاك باچر بالحشر يخسر

يخسر كلمن يمسك علي الكرار
لان بيك الكواكب والفلك يندار
الشمس لوما وجودك ماتشع أنوار
لأجلك أم أبوهه أتسمت الكوثر

يبن عَم الرسول المصطفى طه
النار أمن أسمك أبراهيم طفاهه
وبسمك عيسى حاچه الموته وأحياهه
وثبت حجتة أبزمان الفتنه وأستبشر

عصى موسى الإله اشلون سواهه
امرها أبيا علي كوني فأأحياهه
عرفنه الأفعى چانت انته معناهه
وشطرت لموسى نصين البحر وأعبر

عبر موسى وچنت انته الذي أتقوده
يعني أنته الچنت واگف عله أحدوده
أبزودك ياعلي من عبّر اجنوده
وعله عدوان موسى أتلايم المعبر

معبر أنته وأحنه أعله الصراط أنفوت
نندب بيك وأحنه بعالم اللاهوت
يالنجيت يونس من ظلام الحوت
تحضرني أمنندبك ساعة المحشر ,

أحمد الكعبي

[عبدالله خلف العتابي]

زينب الجود كافلها_- رفعتها ابخت مولاي
بقلمي
واحسنت وبارك الله فيك
صغيرك
العتابي