[الشاعر الغريب]

بسم الله الرحمن الرحيم

اللهم صل على محمد وال محمد وعجل فرجهم وارزقنا شفاعتهم

تحياتي لدارة المنتدى والاعضاء والشعراء والزوار



الحسيني الحقيقي

يسمونه حسيني وشاعراهل البيت***شاعرنه اليصوغ اوزانه بالعبره

ويسمونه حسيني وخادم اهل البيت***رادود القصــــــيده لو قره بحسره

ويسمونه حسيني وتابع اهل البيت***كل واحد ينوح ولو لـــــطم صدره

وميلوك اللقب بس للخدم باخلاص***وخلص كل حياته بخدمــــة العتره

الحسيني من صدك مسلم سفير حسين***كريم وبالشجاعه العالم يذكره

الحسيني من صدك عباس ابو الكلفات***بحب حسين ابد ما همته الكثره

وماهاب الجيوش ولا يهاب الاف***من حيدر اخذ عــــباس هالشـــــمره

لجل دينه وامامه ضحه بالاخوان*** اوهب دمه وحياته ويمـــنته وبسره

الحسيني من صدك عابس حبيب حسين***حب حسين جنه وقدمه العمره

الحسيني من صدك اصحاب ابو الاحرار***صارو للنبي انصار والزهره

ضحو بالدمه وقدمو اعز ارواح*** وكتبو للبـــشر درس والف عبــــــره

الحسيني من صدك كلمن نصر الحسين***ويظل حسين ينصر كلــمن ينصره

وحسيني اللي يصير حسين أله عنوان***بمنهاجه يسير ويقتــــــدي بأمره

وحسيني اللي اخذ من كربله العبرات***وذكر حسين يسري بروحه وبفكره

وحسيني اللي حضر مجلس لابو السجاد*يحضره بكل صدق واخلاص وبفطره

وحسيني اللي خفض جنحانه للربوه***جنح أيصير في الهم جنح كــــــمره

وحسيني الما يبيع أصحابه وكت الضيج***يصير الهم غطه لو بينت عوره

وحسيني اللي يتفانه بخدمه الاطهار***سمعه مايريد ولا يحــــــــــب شهره

وحسيني اللي وهب حب الجميع الناس***وباعماله وســـــلوكه الوادم تذكره

وحسيني اللي رضع طيبه وكرامه وزود***من صدر العقيده الصادقه الحره

وحسيني اللي حزن لمصاب أهل البيت***وكل مجلس يصير يصونه ويحضره

وحسيني الماتهزه الريح والصدمات***ولوجار الزمــــــــــــان ولوح بشره

وحسيني اللي يمد ايده بكرم للغير***ولوطاح الصديق يشيله ويعــــــــــبره

وحسيني المارفع صوته اعله صوت الحق***جي من الحسين الحق بزغ فجره

وحسيني الماتخوفه أهل الذبح وارهاب*** جبل عالي بشموخه ومحد يكسره

وحسيني اللي نكر اهل البدع والجور*** وعدوان العقيده منــــــهم اتبره

وحسيني المايخون اخوانه والوافوه *** ويصير الهم جسر لو طكت العبره

وحسيني هالقلم لوما يدور جاه *** وذكر حسين دوم بمنـــــطقه يسطره

وحسيني هاللقب تاج وفخر للناس*** وصـــعب هذا اللقب لو رايد اتفسره

وكل واحد حسيني يصير بالاخلاق **** ومن حزنه تعرفه ومن حجم صبره

وشاعرنه يحصل عاللقب لو راد*** بس لحسين يكتب يخدمه بشــــعره

وميسموه حسيني وشاعر اهل البيت***اليوم اهنا وباجر عنده جم سهره

واذا انته حسيني لقبتك هالناس*** عمرك هاذ للوادم تره اتنـــــــــــذره

ولو رايد تصول وتنكلب بركان *** بس حب الحسين يفجــــــــــر الثوره

[عبدالله خلف العتابي]

مبدع ولكن اكتب بخط واضح وكبير
كي تتمكن الناس من القراءه
حرام الابداع ايضيع والله
تقبل مني هذا الطلب كون القصيده رائعه
مع عذري الشديد
تلميذك الاصغر
العتابي

[الشاعر الغريب]

اشكرك على هذه الملاحظه لكني لا اجيد العمل على الحاسبه

واجد صعوبة كبيره حينما اكتب وانوي تكبير حجم الخط فتظهر الكلمات الانكليزيه وتحيرني

وفي المستقبل وبأذنه تعلى سالبي لك هذا الطلب

اكرر شكري واعتذاري