[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

الجــــــــــــــواد الوجيـــــــــــــه
ــــــــــــــــــــــــــــــــــــــــــــــــــ ــــــــــــــــــــــــــــــــ
بالكاظميّه إثنين من عترة أحمدْ == باب المُراد إهناك ويّه التقي الجدْ
ــــــــــــــــــــــــــــــــــــــــــــ
باب المُراد إهناك نور إو تبسّمْ == يجلي هموم الجاي ما يبكه أي غَمْ
زوره إو تشوف أنوار وإبصحنه تغنَمْ == هذا الوجيه الصار للدنيه فرقدْ
ــــــ
هذا الوجيه الدوم فاتح مُضيفه == إكصد إلَه إو ترتاح يوم التضيفه
ياريت أصير إهناك عندي وظيفه == أكنس صحن مولاي وأتهنّه بالغدْ
ــــــ
أكنس صحن مولاي وأذكر مُصابه == من كطعوا الأشرار نبعة شبابه
والشيعه ظلّت دوم تذكر غيابه == من سمّه الأشرار باب الهُدى إنسدْ
ــــــ
من سمّه الأشرار سمّوا نبينه == ذوله النواصب دوم عدهم ضغينه
للعتره نبكه إبزود نرفع إدينه == ما نترك الأبرار عترة محمدْ
ــــــ
ما نترك الأبرار أهل المكارم == تاسع إمام اليوم ودّعنه غانم
صار الحزن عنوان إلنَه يسالم == جور النواصب زاد وإتجاوز الحَدْ
ــــــــ
جور النواصب زاد ياغايب اليوم == نار إو حقد وإرهاب وإمسايل إدموم
وإبكُل كتر أصوات تهتف يمهموم == لمته الفرج مولاي كُل حاقد إرتدْ
ـــــــ
لمته الفرج مولاي يامنبع النور == أنتظرك إمن إسنين تلكاني منذور
أمشي إبحزن ويّاك والكربله إنزور == للكاظميّه إنروح وإنعطّر الخدْ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.alshiaclubs.com/upload//v...ile=ea665bf845

[ثورة الحسين]

وفقك الله وسدد خطاك
لكل خير بحق محمد
وال محمد(ص)
اخوك
عبدالله العتابي

[جابر النجفي]

اقتباس : المشاركة الأصلية كتبت بواسطة ثورة الحسين [ مشاهدة المشاركة ]

وفقك الله وسدد خطاك لكل خير بحق محمد وال محمد(ص) اخوك عبدالله العتابي

ــــــــــــــــــــــــــــــــــــــــــــــــــ ــ

بسم الله الرحمن الرحيم
اللهم صل على محمد وآل محمد وعجل فرجهم
الاخ العزيز عبد الله العتابي
شكرا لمرورك الطيب وعظم الله اجورك بأستشهاد مولانا الجواد عليه السلام