والمراة المرتبة شيء ضروري ومطلوب من الجميع ,, وقد اختلف معك في الراي ,,
فهناك فرق بين المراة المرتبة التي تلبس هندام محترم وبين (المراة المتشببة )
فمثلا المراة المتشببة تشوفيها لابسة سبورت وسروال سترج مثلا وماسكة في يدها النقال وكل شوي داقة على احد من ربعها الي على شاكلتها وعاطة وحدة موعد والثانية سلام والثالثة نكتة ,,
وروحي معاها في الصيف لبركة سباحة شوفيها ايش تلبس للسباحة ,,
وكان عندها العيد حاسبه نفسها توها بسن 18 مع ان عمرها تجاوز 68 سنة
احفادها خلفها يصيحون عليها جدتي جدتي
اوتعالي اليها في المناسبااات لابسة لها الفساتين الي خبرج فيهم
وتجاعيد ساعدها نازلة للارض ,,
هذا ما قصدتة ,, انت ايش رايك وشلون تفسري لي هذة
الظاهرة ؟؟؟؟؟؟
هل هذه الضاهرة صحية ؟؟
لو حصل خلل في المجتمع العربي المسلم المحافظ فظهرت لنا هذه النمادج ؟؟
اكيد عندكم منها كثير لاني بالفعل شفت في منطقة سيهااات نمادج منها ,,
وطرح النقطة المفقوده هي ان بعض الاحيان يكون الطرح عام لجميع المجتمعات وخاص اخص للي يطرح الموضوع
يعني مثل الامثال الي ذكرتيها موجوده عندنا بس بشكل قليل جدا
يعني مو منتشرة بحيث ان احد يشوفها
لكن عادي نلقى المرأه الكبيرة المهتمة بنفسها بشكل مقبول ومو ملفت سواء لبست ماركات او غيرة اهم شي انه مقبول
بس نرجع نقول هالشي الشاذ شي نقص داخل هالانسان ويحاول ان يعوضة
او من الممكن ان يكون نوع من البلاهه الي تخلي المرأه تلبس وتعبف في حالها على انا من الاتكيت والحركات وهني فاهمة هالاتكيت غلط وممسخرة بحالها خخخخ
وطبعا هالنوعية دائما تبي تلفت الانظار حتى لو بشي سلبي اهم شي تعوض هالنقص سواء كان ببلاهه او مرض
واذكر مرة كنت اتمشى في السيف مع الشباب وفلاانووو وكانو اختين عفر لابسين نفس الشي بالضبط ومتمكيجين وحالتهم حاله وهم ماشاء الله متااااااااان وقصار والمشكلة الي يبون يلفتون فيها العالم ان العباه لازقة على عافيتها كنه مدخلتنها بفازلين خخخخخ
كان شي غريب وانا ماقدرت امسك حالي قلت حشا هذي سلندر غاز صغيرة مو بنت وهي سمعتني وطالعت بنظرة عجيبة ههههههههههههههههه
>>>>>>> على ايام العزوبية حق لاحد يفتن :p
هالنوعيات سواء كانت مرض ولا غيرة تبي تلفت الأنظار او تعوض شي داخلها ..............
فما نقدر نحكم قطعيا لكن نقرب لأقرب الاسباب ومثل ماذكرت الحل هو الطبيب لان اصلا حتى الاصحاب الصالحين ممكن يفيدوو من كثر النصايح بس هالنوعيات اصحابهم اتوقع مثلهم في نفس المووود
تذكرت موقف اختي ام حسن على طاري الي توزع نكت ومكالمات
بالفعل هؤلاء هم المقصود بالمتصابين ..
رجل عمره فوق الـ50 يتشبه بمراهق في مظهرهـ ؛؛
المهم القصة مضمونها كالتالي
كان احد الرجال مسافر إلى سوريا في الباص وكانت جنبه سورية كبيرة في العمر
وهالرجال عليه حركات ومواقف .. كان مشغل البلوتوث وتفاجأ ظهر عنده اسم غريب
ارسل مفكرة يبغى يشوف من صاحبه >> اشتغلت اللقافة ههه
وسبحان الله كان هالاسم للحرمة السورية الي بالمقاعد جنبه
واستغرب على هالعمر بلوتوث وبهالاسم
المهم ما اذكر بالضبط القضية لكن صار بينهم كلام و قالت له كم تعطيني عمري .. الرجال قال ليها يعني مني مناااك واعطاها عمر حول الـ 30
الحين المرأة ما صدقت خبر وتشققت من الفرح و ارتاحت مع الرجال وابتلى فيها هههه وهو يقول من شكلها مبين العمر كبيرة اكيد فوق الـ 50 بس لبسها وافعالها (متصابيه)
بعد الكلام كانت تقول له انا رايحة ع الشام احضر زواج اقارب وانا عازمتك وتفضل معي و..و..
الرجال انحرج .. وقال ( لا بعدين ((اهلك)) ويش بيقولون يمكن تنحرجي معاهم او شي ) ومن قال كلمة اهلك الحرمة رجعت 60 سنة لورا هههه
وهو يقول اي اهل يمكن توفوا من زمان بس مو عدله اقول ليها اولادج يزعلون بعدين :p
ومسكين من بعد هالموقف يقول هددوه اصحابه بيشتكون عليه عند الشيخ هههه
العرض العادي
